உயிர்ப்பு!
- கவிதை மழை அ.நவஜோதி அருண்
பூவுக்குள்
மலர்ச்சி
சாவுக்குள்
மௌனம்
உயிர்ப்போடிருக்கும்!
கருவறைக்குள்
குழந்தை
சிறையறைக்குள்
சிந்தனை
உயிர்ப்போடிருக்கும்!
தேர்தலுக்குள்
இலவசம்!
வியாபாரத்தில்
தந்திரம்!
உயிர்ப்போடிருக்கும்...
கடவுள்
வேண்டுதலில்
நம்பிக்கை!
மனைவியை
சீண்டுதலில் காதல்!
உயிர்ப்போடிருக்கும்
கவிஞனுக்குள்
கற்பனை.
கலைஞனுக்குள் திறமை
எப்போதும்....
உயிர்ப்போடிருக்கும்!
காதலுக்குள்
மோதல்!
வீழ்தலுக்குள்
விழிப்பு!
உயிர்ப்போடிருக்கும்
எழுத்துக்குள்
இலக்கணம்!
தலைக்கனத்தில்
ஆணவம் என்றும்....
உயிர்ப்போடிருக்கும்!
பிறப்புக்குள்
இறப்பு
இறப்புக்குபின்
வெறுமை
உயிர்ப்போடிருக்கும்!
செல்களுக்குள்
உயிர்ப்பு!
காலத்துக்குள்
மூப்பு...
உயிர்ப்போடு
உடன்வர
மனிதனுக்குள்
நோக்கம்.!
இறைவனுக்குள்
ஆக்கம்!
என்றும்
உயிர்ப்பாய்த்
தொடரும்...!
உயிர்ப்புக்கு
முற்றுக்
கிடையாததால்.....
(கவிதை மழை அ. நவஜோதி அருண்குமார், கோவை மாவட்டம் மேட்டுப்பாளையத்தைச் சேர்ந்தவர். கவிதைகள் எழுதி வருபவர். இசையில் நாட்டம் கொண்டவர். சமூக அக்கறையுடன் கூடிய படைப்புகளைக் கொடுத்து வருகிறார்)