பேருந்துப் பயணத்தில்.. எறும்புக் கூட்டம் போல் விரைந்தோடிய மக்கள்!

- அ.சுபாலட்சுமி

பேருந்து பயணத்தில் தோன்றிய சில கவி வரிகள்.. 

பேருந்து சத்தமும்

இசையாய் எண்ணி 

நிம்மதி உறக்கத்தில் 

பயணிக்கும் மக்கள்

--

பேருந்துக்குள் இருந்து வரும் ஏசி காற்றுக்கும் 

சன்னல் வழியாக வரும் இயற்கை காற்றுக்கும் 

நடந்த சண்டையில்

இறுதியில் வென்றது இயற்கை காற்று

-- 

தன்னை நம்பி வந்திருக்கும் மக்களை உறங்க வைத்துவிட்டு 

தனக்கான உணவை (பெட்ரோல்) எடுத்து கொண்டது பேருந்து. 

அப்படியென்றால் பேருந்தும் 

ஓர் தாய் தானோ?

--

முயல் வேகத்தில் சென்ற பேருந்து

ஆமை வேகத்திற்கு மாறியது 

காரணம் 

அங்கு ஏற்பட்ட போக்குவரத்து நெரிசல்...!

--

வேகமாய் சென்றுகொண்டிருந்த பேருந்து 

ஓர் இடத்தில் நின்றதும் 

எறும்புக் கூட்டம் போல் விரைந்தோடிய மக்கள்-

கழிப்பறையை நோக்கி...

(அ.சுபாலட்சுமி M.Sc, M.Ed, ஆசிரியர். பொழுதுபோக்கு: கவிதை எழுதுவது, புகைப்படம் எடுப்பது, ஓவியம் வரைதல், கைவினை பொருட்கள் செய்தலில் வல்லவர்)