17.5 கோடிக்கு வீடு வாங்கி .. 1.6 கோடிக்கு.. வாடகைக்கு விடும் நடிகர் மாதவன்!

மும்பை:  பிரபல நடிகர் மாதவன், மும்பையின் பாந்த்ரா குர்லா காம்ப்ளக்ஸில் (BKC) அமைந்துள்ள தனது ரூ. 17.5 கோடி மதிப்பிலான சொகுசு வீட்டை வாடகைக்கு விட்டுள்ளார். இந்த இரண்டு வருட குத்தகை ஒப்பந்தத்தின் மூலம் அவருக்கு 2 வருடத்திற்கு ரூ. 1.6 கோடி வருவாய் கிடைக்கும் என தகவல்கள் தெரிவிக்கின்றன.

மாதவன் மற்றும் அவரது மனைவி சரிதாவுக்குச் சொந்தமான இந்த 4,182 சதுர அடி கொண்ட அடுக்குமாடி குடியிருப்பு, பிரிட்டிஷ் பன்னாட்டு எண்ணெய் மற்றும் எரிவாயு நிறுவனமான BP Exploration (Alpha) Limited நிறுவனத்திற்கு மாதம் ரூ. 6.5 லட்சத்திற்கு வாடகைக்கு விடப்பட்டுள்ளது.

ஜூன் 2025 முதல் வாரத்தில் தொடங்கி, 24 மாதங்கள் (இரண்டு ஆண்டுகள்) குத்தகை காலம் கொண்டது இந்த ஒப்பந்தம். இதில் 16 மாத லாக்-இன் காலம் உள்ளது. முதல் வருடத்தில் மாத வாடகை ரூ. 6.5 லட்சமாக இருக்கும் நிலையில், இரண்டாம் ஆண்டில் இது 5% அதிகரித்து ரூ. 6.83 லட்சமாக உயரும். இந்த இரண்டு ஆண்டுகளில் மொத்த வாடகை வருவாய் சுமார் ரூ. 1.6 கோடியாக இருக்கும்.

குத்தகை ஒப்பந்தத்தின் ஒரு பகுதியாக, மாதவனுக்கு ரூ. 39 லட்சம் பாதுகாப்பு வைப்புத் தொகையாகக் கிடைத்துள்ளது.  Signia Pearl என்ற குடியிருப்பு வளாகத்தில் அமைந்துள்ள இந்த வீட்டை, மாதவன் ஜூலை 2024 இல் ரூ. 17.5 கோடிக்கு வாங்கியிருந்தார். 

மும்பையின் முக்கியமான வணிக மையங்களில் ஒன்றான BKC, பல நிதி நிறுவனங்கள், பன்னாட்டு நிறுவனங்கள் மற்றும் தூதரகங்களை கொண்ட ஒரு பிரதான பகுதியாகும். அதன் சிறந்த இணைப்பு மற்றும் தொடர்ச்சியான தேவை காரணமாக இங்குள்ள சொத்து மதிப்புகள் எப்போதும் அதிகமாகவே உள்ளன.