அதலக்காய் பாத்திருக்கீங்களா?.. இப்ப சீசன்.. விட்ராதீங்க.. வாங்கி சாப்பிடுங்க.. சூப்பர் ஹெல்த்தி!

- அகிலா

அதலக்காய் பார்த்திருக்கீங்களா.. சென்னை மக்களுக்கு அதிகமா தெரிய வாய்ப்பில்லை. இந்தக் காய் அதிகமாக தெற்கு மாவட்டங்களில் தான் கிடைக்கும். இது பாவக்காய் ஃபேமிலியை சேர்ந்தது. சீசன் டைம்ல தான் கிடைக்கும். எனவே இந்தக் காய் கிடைக்கும்போது அதை வாங்கி வத்தலாக்கி காய வச்சு எடுத்து வச்சுக்கலாம்.

அதை சமையலில் காய் போல கட் பண்ணி சமைக்கக் கூடாது. மாறாக, காம்பு மட்டும் நீக்கிட்டு, அதை அப்படியே நீங்க பொறியல் பண்ணிக்கலாம். இது மருத்துவ குணம் நிறைந்த காய்.

அதலைக்காய் இந்தியச் சமையலில் பல்வேறு விதங்களில் பயன்படுத்தப்படுகிறது. சமைக்கும்போது அதன் சுவை மாறுபட்டு மிகவும் மென்மையாக மாறும், பார்க்கவே ஜோராக இருக்கும்.

நறுக்கப்பட்ட அதலக்காயை வெங்காயம், தேங்காய் மற்றும் மசாலாப் பொருட்களுடன் சேர்த்து வதக்கிச் சமைத்துச் சாப்பிட்டால் செம டேஸ்ட்டாக இருக்கும்.

அதேபோல கோவக்காயோடு சேர்த்தும் இதை வறுத்துச் சாப்பிடலாம். நறுக்கி மசாலா சேர்த்து மொறுமொறுப்பாக வறுப்பார்கள். இது சாம்பார் சாதம் அல்லது தயிர் சாதத்துடன் சேர்த்து சாப்பிட ஏற்றது.

சாம்பார் அல்லது கூட்டு வகைகளில் இது மற்ற காய்கறிகளுடன் சேர்த்துப் பயன்படுத்துவோரும் உண்டு. அதுவும் நல்லாதான் இருக்கும்.

வெயிலில் காயவைத்து வற்றலாகப் போட்டு, தேவைப்படும்போது வறுத்துச் சாப்பிடுவது ஒரு பாரம்பரிய முறையாகும். அது இன்னும் டேஸ்ட்டாக இருக்கும். கூட நாலு வாய் சோறு உள்ளே இறங்கும்.

அதலைக்காய் பல ஆரோக்கிய நன்மைகளைக் கொண்ட ஒரு காய்கறியாகக் கருதப்படுகிறது. பாரம்பரிய மருத்துவத்தில், அதலக்காய் நீரிழிவு நோயாளிகளுக்கு (சர்க்கரை நோயாளிகள்) இரத்த சர்க்கரை அளவைக் கட்டுப்படுத்த உதவும் என்று நம்பப்படுகிறது. இதன் சாறு அல்லது இலைகள் இதற்காகப் பயன்படுத்தப்படுவதுண்டு.

இதில் அதிக நார்ச்சத்து இருப்பதால், செரிமானத்திற்கு உதவுகிறது மற்றும் மலச்சிக்கலைத் தடுக்கிறது. இதில் உள்ள ஆக்ஸிஜனேற்றிகள் உடலைச் சேதப்படுத்தும் ஃப்ரீ ரேடிக்கல்களை எதிர்த்துப் போராட உதவுகின்றன.

இதில் கலோரிகள் குறைவாகவும், நார்ச்சத்து அதிகமாகவும் இருப்பதால், எடை குறைப்புக்கான உணவில் இது ஒரு நல்ல தேர்வாக இருக்கலாம்.

அதலக்காயை வாங்கும்போது கவனமாக இருக்க வேண்டும். காய், பச்சை நிறத்தில், பளபளப்பாக இருக்க வேண்டும். தொடும்போது உறுதியாக இருக்க வேண்டும். நன்கு முற்றிய நிலையில் உள்ள காய்கள் உள்ளே சிகப்பு நிறத்தில் அல்லது சற்றே இனிப்புச் சுவையுடன் இருக்கும், சமையலுக்குப் பிஞ்சுக்காய்களே சிறந்தது.

என்னங்க.. படிக்கும்போதே வாயில் எச்சில் ஊறுதா.. வாங்கிச் சாப்பிட்டுப் பாருங்க.. அடிமையாவே மாறிடுவீங்க!

(அகிலா, தென்தமிழ் செய்தி இணையதளமும், திருவண்ணாமலை தடம் பதிக்கும் தளிர்கள் பன்னாட்டு மையம் இணைந்து நடத்தும் பத்திரிகையாளர் பயிற்சி திட்டத்தின் கீழ் எழுதி வருகிறார்)