யார்...?

காணாமல் போன நிலா

காட்சிக்கு இல்லை உலா

விழுந்து விட்ட நட்சத்திரம்

பழுது பட்ட பொன் சித்திரம் 

வறண்டு போன ஜீவநதி 

அரண்டு நிற்கும் பாவமதி

பாலைவனமான பழசு 

அலை வீசும் மனசு

மணம் பரப்பாத மரப்பாச்சி 

ஓணம் காணாத திருப்பாச்சி 

சிலை இல்லாத கோயில் 

விலை போகாத வாயில் 

சுனாமிக்கு சுகம் கிடைக்குமா சொல்

பினாமிக்கு அகம் சிலிர்க்குமா நில் 

வசந்தம் தொலைத்த வருடம் 

கோடை கொளுத்தும் ஆருடம் 

உதிர்காலமே உறவு 

எதிர்காலம் காட்டுமா பரிவு

கோலமில்லா வாசல் 

கொண்டாட்டம் இல்லா வீடு 

இமயம் இல்லா இந்தியா

உமையாள் இல்லா இறைவன் 

வானவில் இல்லாமல் மழை

வழக்கமாய் வரும் பிழை 

யார் தான் விரும்பும் வெறுமை

ஏன் தான் இந்த கடுமை

பூக்கள் பூக்காத பூமி

புன்னகை இல்லாமல் சாமி 

ஆயுதம் இல்லாமல் அதிரடி 

காகிதம் கொண்டு சரவெடி 

பூஞ்சோலையில் வீசும் புயல்

புல் தரையில் விழுந்தது கயல்