யார் மனிதன்?

பட்டாடை உடுத்தி 

பகல் கொள்ளை 

அடிப்பவனா ?

தன் உடலை வருத்தி

வெயில் மழையில் உழைப்பவனா ?

பொதுக் கூட்டம் கூட்டி

மேடை நின்று நடிப்பவனா ?

ஏழை எளியவர்

கண்ணீரை

துணை நின்று 

துடைப்பவனா?

உயர் கல்வியினை

எளியோருக்கு

காந்தி நோட்டிற்கு 

விற்பவனா ?

உயிர் தியாகம் செய்ய நாட்டுக்காக

உறைப்பனியிலும்

எல்லையில் நிற்பவனா?  

   

பெண்ணுரிமை மீட்க 

பாரதியாரை எழுபவனா? 

பெண்ணுடல்

ஆடையினை 

காம பார்வையிலே

எரிப்பவனா? 

அரசு அதிகாரத்தில் 

இருந்தும் 

சட்டக் கடமைகளை 

மறந்தவனா?

அன்றாடங் காட்சிகளாக

பொதுவுடமை கேட்டு

போராட்டக் களத்தில் நிற்பவனா?