சித்திரை கனி காணுதல் – தமிழ் புத்தாண்டின் அழகான பாரம்பரியம்

- தெ.நாராயண லெட்சுமி, B.E

தமிழ் மாதமான தமிழ் புத்தாண்டு தினத்தில் காலை எழுந்தவுடன் முதலில் காண்பது சித்திரை கனி என்று அழைக்கப்படுகிறது. இது நல்ல தொடக்கத்தையும் வளமான வாழ்க்கையையும் குறிக்கும் ஒரு பாரம்பரிய வழக்கம்.

பொதுவாக ஒரு தட்டில் வாழைப்பழம், மாம்பழம், ஆரஞ்சு, தேங்காய், கண்ணாடி, நகை, பூக்கள், காசுகள் போன்றவற்றை வைத்து அழகாக அலங்கரிப்பார்கள். இந்த கனி தட்டில் கண்ணாடியும் வைப்பார்கள். அதனால் நாம் கனி பொருட்களுடன் நம்முடைய முகத்தையும் பார்க்க முடியும். இது “வாழ்க்கை வளமாகவும் நிறைவாகவும் அமையட்டும்” என்ற நல்ல நம்பிக்கையை குறிக்கிறது.

காலை எழுந்தவுடன் முதலில் இந்த சித்திரை கனியை பார்க்க வேண்டும் என்று பெரியவர்கள் சொல்வார்கள். அப்படி பார்த்தால் ஆண்டு முழுவதும் செல்வம், சந்தோஷம், ஆரோக்கியம் கிடைக்கும் என்று நம்பப்படுகிறது.

சித்திரை கனி என்பது வெறும் பழங்களைப் பார்ப்பது மட்டுமல்ல; அது நம்பிக்கை, வளம் மற்றும் நல்ல தொடக்கம் என்பதற்கான ஒரு அழகான தமிழ் மரபாகும்.

சித்திரை கனி வாழ்த்து

தமிழ் புத்தாண்டு இனிய நல்வாழ்த்துகள்!

சித்திரை கனி போல உங்கள் வாழ்க்கையும்

இனிமை, செல்வம், சந்தோஷம் நிரம்பியதாக இருக்கட்டும்.

இந்த புதிய ஆண்டு உங்கள் குடும்பத்திற்கு

ஆரோக்கியம், வளம், வெற்றி அனைத்தையும் கொண்டு வரட்டும்.

இனிய தமிழ் புத்தாண்டு நல்வாழ்த்துக்கள்!

(தெ. நாராயணலட்சுமி, ஐக்கிய அரபு அமீரகத்தின் ராஸ் அல் கைமாவில் வசித்து வருகிறார்)