உலக ஆரோக்கிய தினம்

- முனைவர் கோ.லதா

ஆரோக்கியமே அருநிதியாகும் - அதை

அன்புடன் காத்தல் பெருநெறியாகும் 

பாரோர் போற்றும் உடல்நலம் பேணி -  நாம்

பல்லாண்டு வாழ வழி செய்வோமே

காலையில் எழுந்து கடமைகள் முடித்து -  உடல்

கடுமையாய் உழைக்கப் பயிற்சி செய்வோம்

ஞாலமே வியக்கும் உடல்வலிமை கொண்டே - நாம்

நலமுடன் வாழ உறுதி கொள்வோம்

உண்ணும் உணவே மருந்தென அறிவாய் - நல்

உயிரைத் தாங்கும் அமுதெனக் கொள்வாய்

கண்ணைக் காக்கும் இமைகளைப் போலே - நம்

காயத்தைக் காப்பதே கடமை யாகும் 

தூய்மை காத்துச் சூழலை வைப்பாய் - வரும்

தொற்று நோய்கள் விரட்டி அடிப்பாய்,

ஆய்ந்து தெளிந்தே குடிநீர் அருந்தி - உன்

அகமும் புறமும் நலம்பெறச் செய்வாய் 

உறக்கம் என்பது உடலுக்குத் தேவை - அது

உழைக்கும் உயிர்க்கு இயற்கை ஈய்வே 

மறந்தும் தீய பழக்கம் கொள்ளேல்  - அது

மனதின் அமைதி கெடுத்தே கொள்ளும்

ஆரோக் கியமே வாழ்வின் அடிப்படை - அதை

அறிந்தே நீக்குவாய் நோயின் தடைபடை

சீரோடு வாழ நல்வழி காண்போம் - இந்த 

சிந்தனை ஏந்தி வையகம் வெல்வோம்

--

உலகப் பாதுகாப்புத் தினம்.

ஏப்ரல் இருபத்து எட்டாம் நாளில் - இந்த

உலகமே போற்றும் பாதுகாப்பு நாளில்

அர்ப்பணிப் போடு பணியாற்று மக்கள்- நல்

ஆரோக்கியமே உயர்வெனக் கொள்வோம்

தலைமுறைக் காக்கும் தலைக்கவசம் அணிவோம் - நம்

தன்னலம் விடுத்துப் பாதுகாப்புப் பேணுவோம் 

நிலை எனக் கொண்டு விதி இணை 

பின்பற்றி வரும் நிமிடம் எலாம்விழிப் புணர்வுடன் இருப்போம்

இயந்திரச் சாலை இடர்களை நீக்கி - நல்

இதயத் துடிப்பினைச் சீராகக் காப்போம்

துயரம் தராத பணியிடம் அமைத்தே - தினம்

தொழிலாளர் வாழ்வை ஒளியுறச் செய்வோம் 

மின்சாரப் பாதை மேலோட்டம் தவிர்த்து -  விதி

முறைப்படி செய்திடும் விழிப்புணர்வோடு

பின்தொடர் வோர்க்கு வழிகாட்டி நிற்போம் - நம் 

பேருயிர் காப்பதே கடமையெனக் கொள்வோம்

சுற்றுச் சூழலைத் தூய்மையாய் வைப்போம் -

உடல் சுறுசுறுப் போடு நலத்தினைப் பெறுவோம் 

வெற்றிகள் சேரப் பாதுகாப்பு வேண்டும் - அது 

வேலையின் தாரக மந்திரம் ஆகும் 

கூடி உழைப்போம் விபத்தினைத் தடுத்தே -  வரும் 

கேடுகள் போக்கி வளமையைக் காண்போம் 

நாடிடும் இலக்கை நன்முறையை எய்தி - என்றும்

நலமுடன் வாழ உறுதி ஏற்போம்!

(பாரத் சேவா ரத்னா. டாக்டர். கோ. லதா,  கல்வித் தூதர், பன்முக உலக சாதனையாளர், தமிழக அரசின் நல்லாசிரியர் விருதாளர்,  சென்னை)