எட்டி எட்டிப் பார்த்தான்.. எட்ட நின்று பார்த்தான்.. புடுச்சுப்போச்சு!

- பாவலர் மாயோன் மங்கை

நின்னு நின்னு பார்த்தான்

நிக்க வச்சுப் பார்த்தான்

எட்டி எட்டிப் பார்த்தான்

எட்ட நின்று பார்த்தான்

ஒளிஞ்சு ஒளிஞ்சு பார்த்தான்

ஓடிவந்து பார்த்தான்

சந்தைக்குப் போகையிலே

சந்துலதான் பார்த்தான்

பார்த்துப் பார்த்துப்

பார்த்தவனை

பார்த்ததும் பிடிக்கவில்லை

பார்க்கப் பார்க்கப்

பிடித்தது

தண்ணீர் இறைக்கையிலே

நீரிலவன் முகம்தான்

வட்டியிலே உண்ணும்போது வதைக்குதே அவன்

முகம்தான்

புத்தகத்தைத் திறந்து வைத்தால் புன்னகைக்கும் முகம்தான்

பார்க்கப் பார்க்கப்

பிடித்த வரை

பாராதிருக்க முடியலெ

வாராதிருப்பானோ வாசலிலே நிற்கிறேன்

தோழியிடம் ஓடிச் சொல்ல

காதல் வந்துருச்சு

என்கிறாள்

நானா காதலித்தேன்

எப்படிக் காதலித்தேன்

என்னை வியந்தேன் நானே!