நானே தான் எனக்குத் தோழி!

அம்மா என்னம்மா கைல போன் இல்ல.. ஆனா பேசிகிட்டு இருக்கீங்க.. என்ன உங்க கூட நீங்க பேசிட்டு இருக்கீங்களா? என்றபடி வந்தான் பிரதீப். 

அச்சச்சோ கேட்டுடியா என்றபடியே அவனைப் பார்த்து வெட்கத்துடன் புன்னகைத்தேன். அப்படி என்ன பேசிக்கிட்டு இருந்தீங்க என்றவனை கையைப் பிடித்து அழைத்து போய் சோபாவில் உட்கார்ந்தேன். பிரதீப் நான் இப்படி தான் பலமுறை எனக்கு நானே பேசிக் கொள்கிறேன், நீ கேட்டதில்லையா என்ற என்னை பிரதீப் வியந்து பார்த்தான்... 

என் குழந்தை புரிஞ்சிக்கிற அளவுக்கு உங்க உச்சரிப்பும் உங்களுடைய மாடுலேஷன் இருந்தது மேம். இந்த ஆடியோ பைல எனக்கு கொஞ்சம் அனுப்ப முடியுமா என்று  கேட்டபோது அந்தத் தாயின் கண்ணில் இருந்து ஆனந்த கண்ணீர் கொட்டியது. அதான் இன்னைக்கு நான் என்னையே பாராட்டிகிட்டேன்... என்னையே நான் பாராட்டுகிறது எனக்கு ரொம்ப பிடிச்சிருக்கு... எத்தனையோ சமயங்களில் என்னோடு நான் பேசி தான் இன்றுவரை மகிழ்ச்சியாக வாழ்கிறேன் பிரதீப்' என்றபடியே மேஜை மீது இருந்த பழங்களை கழுவ ஆரம்பித்தேன்.

"அம்மா நீங்க நல்ல அரசாங்க வேலையில இருக்கீங்க.. கை நிறைய சம்பாதிக்கிறீங்க, பாக்கவும் அழகா இருக்க உங்கள பாராட்டு என்ற அம்பை எய்தி வீழ்த்த நினைத்த சில பேரை எனக்கும் தெரியும். ஆனா நீங்க மத்தவங்க பாராட்டெலாம் எனக்கு எதுக்கு ? எனக்கு நான் போதும் என்று இத்தனை நாளும் உங்கள மகிழ்ச்சியா வச்சுக்கிட்டு என்னையும் பாத்துக்குறீங்க   என்றபடி பிரதீப் எனை கட்டி அணைத்துக் கொண்டான். 

என்னைப் பற்றி இவனுக்கு இவ்வளவு புரிதலா !!! என்றபடி நான் அவனையே பார்த்துக் கொண்டிருந்தேன். அவன் சொல்வது எவ்வளவு உண்மை.. மனித மனங்கள் பாராட்டுக்காய் ஏங்கி பாதை மாறுவது தானே சகஜமாய் மாறி வருகிறது.." எனக்கு நானே என் தோழியாய் இருப்பது எவ்வளவு வசதி" என்று எண்ணியபடியே மகனுக்கு பழங்களை நறுக்கினேன்.. பழத் துண்டுகளை  கையில் எடுத்துக் கொண்ட பிரதீப் "நான் கூட உங்களை ஃபாலோ பண்ண போறேன்" என்ற போது செல்ல மகனே நானும் உன்ன பாராட்டுறேன் நீயும் உன்னையே பாராட்டிக்கொள்.. என்றபடியே நீயும் இதைக் கேட்டுப் பாரேன் என்று என்னுடைய ஆடியோ ஃபைலை அவனுக்கும் ஷேர் பண்ணினேன்.

(குறுங்கதையை எழுதிய ஷீலா ராஜன் அடிப்படையில் ஒரு ஆசிரியை. கடலூர் புனித ஜோசப் கலை மற்றும் அறிவியல் கல்லூரியில் உதவிப் பேராசிரியையாக பணியாற்றியவர். தமிழக அரசின் எண்ணும் எழுத்தும் ஆங்கில  குழுவில் இடம் பெற்றுள்ளார்.  4 மற்றும் 5ம் வகுப்புகளுக்கான காணொலிகளில் பின்னணி குரல் கொடுத்துள்ளார். திருவண்ணாமலை ரத்னா செந்தில்குமார் தலைமையிலான தடம் பதிக்கும் தளிர்கள் பன்னாட்டுத் தமிழ்ச் சங்கம் நடத்திய புறநானூறு உலக சாதனையிலும் திருக்குறளுக்கான கதை எழுதும் உலக சாதனை நிகழ்வில் பங்கேறுள்ளார்)