அன்பெனும் அம்பு
Oct 20, 2026,10:54 AM IST
- சிவ.ஆ. மலர்விழி ராஜா, சீர்காழி
அன்பெனும் அம்பினால்
அனைத்தையும் மாற்றலாம் !
கோபத்தின் கல்லையும்
கனிவால் கரைத்திடலாம் !
கசந்திடும் உள்ளத்தை
கருணையால்
நனைத்திடலாம் !
காயப்படுத்தும் அம்புகள்
காற்றோடு மறையட்டும் !
கண்ணீர்சிந்தும் நினைவுகள்
கனிவோடு மலரட்டும் !
பகைமை என்றசொல்லும்
பாசத்தால் மாறட்டும் !
மனிதநேயம் என்னும்
மலர்வனமும் பூக்கட்டும் !
வார்த்தைகள் சிலநேரம்
வாளாக மாறிடலாம் !
வலியுற்ற
நெஞ்சமதும் மௌனத்தில்
மூழ்கிடலாம் !
வெறுப்பெனும் இருளுக்குள்
விளக்கினை ஏற்றிடலாம் !
இனிமையான சொற்களையே
இதயத்தில் விதைத்திடுவோம் !
வாழ்க்கை பயணத்தில்
வெற்றியில் மகிழ்ந்திடுவோம் !
அன்பெனும் அம்பினால் அனைத்தையும்
அன்பை விதைத்தே
ஆலயமாய் வாழ்ந்திடுவோம் !
(சீர்காழியைச் சேர்ந்த மலர்விழி ராஜா, கதை, கவிதைகள், கட்டுரைகள், பக்திப் பாடல்கள் எழுதுவதில் வல்லவர்)