Poem by Malliga Selvaraj: வழி பிறந்தது.. ஒரு வாசல் மூடப்பட்டு இருள் சூழ்ந்தாலும்!

- கவிஞர் மல்லிகா செல்வராஜ்

உன்னால் முடியும் .. முடியும் பெண்ணே!!

பெண்ணே!!

எனக்குள் இருக்கும் 

என்னை நம்பி!!

வந்தேன்! வந்தேன்!

நானே மீண்டு வந்தேன்!!

தன் கையே தனக்கு உதவி!!

தன்னம்பிக்கை ஒன்றே என்றும் உறுதி!!

சோதனைகள், வேதனைகள் என்னை

சிற்பமாக செதுக்க வந்த உளிகளே!!

செதுக்கப்படும் போது 

வலிகள் இருந்தாலும் 

அந்த அனுபவ மொழிகளால்!

வழி பிறந்தது!!

ஒரு வாசல் மூடப்பட்டு 

இருள் சூழ்ந்தாலும்!

உழைப்பு கொடுத்த 

உத்வேகம் கொடுத்த உதவியினால்!

மறுகதவு திறக்கப்பட்டு ஒளி

வந்தது!!

நடந்ததை எண்ணி 

மயங்காமல்!

காலம் மாற்றும் என்று 

தயங்கிடாமல்!!

நம் வாழ்க்கை 

நம் கையில்!!

உழைக்கும் காசு

நம் பையில்!!

என எண்ணத்தில் 

உறுதி சேர்த்திட்டால்!

வாழ்க்கை வண்ண 

மயமே!!

(கவிஞர் மல்லிகா செல்வராஜ், தித்திக்கும் சத்தான கடலை மிட்டாய்க்குப் பெயர் போன கோவில்பட்டியில் வசிக்கும் பல்கலை வித்தகர், மல்லிகை மலர் போன்று வெள்ளை மனமும், மென்மை குணமும் கொண்ட மங்கை இவர்!! இயற்கையை நேசித்து, எழுத்துக்களை வாசித்து, நேசத்தை சுவாசித்து வாழும் நங்கை இவர்! இனிய இல்லத்தரசி! கவிதைகள் புனைவது, திரையிசைப் பாடலின் மெட்டிற்கு ஏற்ற சந்தங்கள் அமைத்து சொந்த வரிகளில் இசைபடிக்கும் வல்லமை பெற்றவர்!)