Tamil New year: சித்திரை பெண்ணே வருக.. சீரோடும் சிறப்போடும் வருக!

- டாக்டர் எஸ். மணிமேகலை

சித்திரை பெண்ணே வருக வருக 

சீரோடும் சிறப்போடும் வருக வருக 

மங்களங்கள் நல்கிட வருக வருக 

மனமெல்லாம் குளிர்விக்க வருக வருக 

பராபவ ஆண்டே வருக வருக

பங்களிப்பை முழுதுமாக தருக தருக

கோடை வெயிலில் குளிர்விக்க வந்தாய்

கோபம் தவிர்த்து எம்மை குளிர்ந்திட செய்வாய்

தடம் பதிக்கும் சித்திரை தாரகையே 

தன்னம்பிக்கை முத்திரை தந்திடுவாயே..

ஆதவனின் கடைக்கண் பட்டு ஒளிர்கின்றாய் 

ஆண்டவனின் கருணைக்கண்பட்டு மிளிர்கின்றாய்...

மஞ்சள் குங்குமத்துடன் மங்களநாயகி வருக வருக

மகிழ்ச்சியுடன் எங்கள் இல்லம் வந்து தங்க வருக வருக.

குளிர்ச்சியுடன் வந்திடுவாய் குதூகலமாய் வந்திடுவாய்.

மலர்ச்சியுடன் வந்திடுவாய்

மகிழ்ச்சியுடன் தங்கிடுவாய்.