என்னைவிட்டுப் போனவன் கண்டிப்பாக திரும்பி வருவான்!

- கவிதை மழை அ நவஜோதி அருண்

திரௌபதியானதோ?

திடமலை.

உருவியுருவி

விழுந்தும்...

அருவி ஆடை

தொடர்ந்து

தருகிறானே?

கண்ணன்.

நீர்வீழ்ச்சி

--

தலையைக்

கலைத்து, 

கலைத்துவிட்டது காற்று.

தளரவில்லை 

மரம்.

புதிய சிகையலங்காரம்

செய்ததாக

பெருமைப்பட்டது.

தன்னம்பிக்கை

என்னைவிட்டுப்

போனவன்

கண்டிப்பாக

திரும்பிவருவான்.

கணவனா

என்றேன்...?

என் எஜமான்

என்றது.

கால் செருப்பு

நம்பிக்கை

--

நிறைய

மண்சட்டி

சுமக்கிறாள்

அம்மா.

சோத்துச்

சட்டி நிறைய.

குடிகாரன் வீடு

(கவிதை மழை அ. நவஜோதி அருண்குமார், கோவை மாவட்டம் மேட்டுப்பாளையத்தைச் சேர்ந்தவர். கவிதைகள் எழுதி வருபவர். இசையில் நாட்டம் கொண்டவர்.  சமூக அக்கறையுடன் கூடிய படைப்புகளைக் கொடுத்து வருகிறார்)