மூன்றெழுத்து காதல் வந்து முழு மனசும் மாறுதே

- கவிஞர் பி.எஸ்.முருகேசன், திண்டுக்கல்

மூத்தோர் சொல் வார்த்தை எல்லாம் 

தூக்கித் தூரம் வீசுதே

நான் புடிச்ச முயலுக்கு 

மூனு காலுனு பேசுதே

தூக்கமின்றி தொலைபேசியில் 

பேச்சும் தான் தொடருதே

காத்து வாக்குல சேதி

அங்கும் இங்கும் கசியுதே

சொந்த பந்தங்கள் எல்லாம்

கண்டபடி ஏசுதே

சிந்தனை மாறுதே 

சினம் வந்து சேருதே

வாழ்க்கையில் தினம் தினம் 

வம்பு வந்து சேருதே

சாதி மத பேதத்தால் 

சண்டைகள் மூளுதே

சமத்துவ சிந்தனைகள் 

சர்ச்சையில் சாகுதே

தீண்டாமை இன்னும் இங்கே 

தீர்ந்து போக மறுக்குதே

திருமணம் முடிந்தாலும் 

உறவுகள் வெறுக்குதே

சாதிகள் இல்லையடி பாப்பா என்று 

சாடிய பாரதியின் கூற்று

சத்திய சோதனையில் தவிக்குதே

மனம் ஒத்து போனாலும் 

சனம் ஒத்து போகாதே

சாதி மத பேதத்தால் 

சமூக சீரழிவு ஆகுதே

பகுத்தறிவும் சமத்துவமும் 

சாத்தியம் ஆகுமா 

இல்லை சாகுமா

காதலின் வாழ்க்கை 

காவியம் ஆகுமா 

காலத்தின் கையில்

(கவிஞர் பிஎஸ் முருகேசன், திருநூத்துப்பட்டி, செந்துரை)