நேச மச்சான்!

- கவிஞர் பி.எஸ்.முருகேசன்

தண்ணீர் குடம் 

தூக்கி நான்

தள்ளாடி  போகயில

கில்லாடி மச்சான் நீங்க

கிள்ளி விட்டு போறீங்க

வெக்கமாப் போச்சு மச்சான்

வெவரம் கெட்ட ஆளு 

நீங்க

வீட்டுப் பக்கம் வந்தாக்க

வெலகி வெலகி போறீங்க

காட்டுப் பக்கம் நான் வரவா

கலந்து பேச சம்மதமா

சோத்து மூட்டை மச்சானே

சொல்லி விட்டு போறீகளா

சொந்தக்காரி எங்கூட 

சோடி சேர வாறீகளா 

கேடித் தனம் செய்யும் மச்சான்

கேட்குதா காதுல தான்

போலி வேசம் போடாதே

பொல்லாத சிறிக்கி நானு

பொசுக்குனு கோவம் வரும்

பாசம் இருந்தா பக்கம் வந்து 

சொல்லு மச்சான்

நேசம் இருந்தாக்க 

நின்னு கொஞ்சம் பேசு மச்சான்

மனசுலே பட்டதை 

மறைக்காம சொல்லிப் புட்டேன்

ஏ மேல தோசம் இல்ல

என்னான்னு சொல்லு மச்சான்

கண்ணாகப் பாத்துக்கிறேன்

பொன்னான நேரமிது 

புறப்பட்டு வாங்க மச்சான் 

பொழுது மசங்கும் முன்ன 

புன்னகையை தாங்க மச்சான்

ஏங்கிய ஏ மனசு 

இளநீராய் குளிரும் மச்சான்

சந்தோசம் மிகுதியிலே 

சரி கம பாடும் மச்சான்

(கவிஞர் பிஎஸ் முருகேசன், திருநூத்துப்பட்டி, செந்துரை)