உன்னை என் மனதுக்குள் வைப்பேன் அன்பே!

- புதுச்சேரி தனலட்சுமி

உன் விழிகள் அசைந்த

ஒவ்வொரு நொடியும்

என் மனம் வசப்படுகிறது

ஏனென்றால் என்னை மறந்து

உன்னை பார்த்த கனமே

பார்வை இழந்தது போல

திகைத்தேனடா

கண்ணிமை கருவிழி போல்

உன்னை என் மனதுக்குள்

வைப்பேன் அன்பே என்

ஆருயிரே...

மகிழ்ச்சி என்பது

பிறர் வழங்கும் பரிசல்ல...

நம் மனம் மலர்த்திக் கொள்ளும்

அழகிய வரம்.

எதிர்பார்ப்பு

எத்தனை இனிமையாகப் பிறந்தாலும்,

அதன் முடிவு

பல நேரங்களில்

ஏமாற்றத்தின் மௌனமே.

எனவே...

மனதை யாரிடமும்

அடகு வைக்காதீர்கள்;

மகிழ்ச்சியை உங்களுக்குள்

விதையுங்கள்.

அதுவே என்றும் வாடாத

வாழ்க்கையின் வசந்தம்.

(தனலட்சுமி, எம்காம் பிஎட், சூரியா சர்வதேச மேல்நிலைப்பள்ளி, முத்தியால்பேட், புதுச்சேரி)