ஒரு வீடு காலியாகிறது!

- சசிகலா விஸ்வநாதன்

காலியாகும் வாடகை வீடு!

ஒவ்வொரு அறையாக சுற்றி வந்தேன்!

நீங்கா நினைவுகளின்

சுழல்களில் மேலிருந்து 

கீழே கீழே... 

மூழ்கி விடுபட்டு; 

எழுந்து மிதக்கிறேன்!

சில நினைவுகளை இங்கேயே  விட்டு விடலாம்; என்று நினைத்தாலும்; 

இயலுமா? 

சில நினைவுகள் இங்கேயே இருக்கட்டும்.

வெற்று சுவர்கள்

எதிரொலித்து; எதிரொலித்து  அவை நீர்த்தே போகட்டும்!

அவை அப்படியே முடிவதுதான் உகந்தது!

ஆனாலும்;

சில கனவுகளை எடுத்துச் செல்கிறேன்;

இங்கிருந்த நினைவுகள் கொடுத்த  பரிசுகளாக!

நினைவுகளே கனவுகளை காட்சியாக்கும்!

வாழ்வுக்கு நிறம் கூட்டும்.

இன்று துளசி மாட அகல்

சுடர்விட்டு  ஒளிர்கிறதோ!

அம்மாவின் குரல்:

 "ஏதேனும் விட்டுப் போக வேண்டும்!

எல்லாவற்றையும் துடைத்தது போல்         

எடுத்து போகுதல்  ஆகாது." 

"வேண்டா நினைவுகளும்

கூடா கனவுகளும்" 

இங்கேயே இருக்கட்டும்!"

" சரிம்மா"!

(சசிகலா விஸ்வநாதன் - தடய அறிவியல் துறையில் உதவி இயக்குநராக பணி நிறைவில்  இருக்கும் முதியவள். அதிகம் அறியப்படாத நான்; இரண்டு வருடங்களாக ஓய்வு நேரத்தில் கவிதைகளும் சிறுகதைகளும் எழுதிக்கொண்டு இருக்கிறேன் . எனது கதைகளும், கவிதைகளும் ,தமிழ் நெஞ்சம்;  வானமே எல்லை;  கொலுசு;மலர் வனம்; சக்தி பெண்ணிதழ்; ஆகியவற்றில் வெளியாகின்றன. புஸ்தகா நிறுவனம் மூலம் இது வரை நான்கு  கதை தொகுப்புகளை வெளியிட்டுள்ளேன்)