குத்துபாட்டிற்கு நடனமாடும் ஸ்ரேயா...அடுத்த ஹிட் பாட்டு ரெடி

சென்னை: நான் வயலன்ஸ் என்ற திரைப்படத்தில் கனகா என்ற குத்துப்பாட்டிற்கு நடிகை ஸ்ரேயா சரண் நடனமாடியுள்ளார்.

ஸ்ரேயா சரண் 2001ம் ஆண்டு தெலுங்குத் திரைப்படத்தில் அறிமுகமானவர். அதன்பின்னர் தெலுங்கில் பல படங்களில் நடித்தார். தமிழ், ஹிந்தி, தெலுங்கு என பல மொழிகளில் நடித்து பிரபலமான நடிகை இவர். ஸ்ரேயா சரண் ஒரு பிரபலமான இந்திய நடிகையும் ஆவார். ஒரு காலத்தில் தமிழ் சினிமாவில் முன்னணி நடிகையாக வலம் வந்தவர். அவர் ஒரு நடனக் கலைஞரும் கூட. 

எனக்கு 20 உனக்கு 18 திரைப்படத்தின் மூலம் தமிழ்த் திரைப்படத்துறைக்கு அறிமுகமானார். 2006ம் ஆண்டு  தனுசுடன் திருவிளையாடல் ஆரம்பம், 2007 ஆம் ஆண்டு வெளியான சிவாஜி திரைப்படத்தில் ரஜினிகாந்த்துடன் நடித்துள்ளார்.  விஜய்யுடன் அழகிய தமிழ் மகன், விக்ரமுடன் கந்தசாமி உள்ளிட்ட படங்களில் நடித்து முன்னணி நடிகையாக வலம் வந்தார். அதன்பின்னர் இந்திரலோகத்தில் நா அழகப்பன் என்ற படத்தில் வடிலேலுவுடன் ஒரு பாடலுக்கு நடனமாடினார். 

2018 ஆம் ஆண்டு உருசியாவைச் சேர்ந்த தொழிலதிபரும், டென்னிசு வீரருமான ஆன்ட்ரி கொஸ்சீவை ரகசியத் திருமணம் செய்துக்கொண்டார். இவர்களுக்கு ராதா என்ற பெண் குழந்தை உள்ளது. திருமணத்திற்கு பின்னர் நடிப்பில் இருந்து விலகி இருந்தார். தற்போது, சிரிஷ் நடிக்கும் 'நான் வயலன்ஸ்' திரைப்படத்தில் கனகா என்ற குத்துப்பாடலுக்கு ஸ்ரேயா சரண் நடனமாடியுள்ளார். இப்படத்தை ஆனந்த கிருஷ்ணன் இயக்கியுள்ளார். இந்த படத்திற்கு யுவன்சங்கர் ராஜா இசையமைத்துள்ளார். இந்த படத்தின் முதல்  பாடல் நாளை காலை வெளியாகிறது.