ரூ. 235 கோடியை அள்ளிய Retro.. மாணவர்களின் கல்விக்காக ரூ.10 கோடி நிதி வழங்கிய சூர்யா!

சென்னை: சூர்யாவின் 'Retro' திரைப்படம் பெரிய வெற்றி பெற்றுள்ளது. ரூ. 235 கோடி வசூல் செய்து சூர்யாவையும் அவரது ரசிகர்களையும் பெருமகிழ்ச்சியில் ஆழ்த்தியுள்ளது. இந்த நிலையில், நடிகர் சூர்யா, படத்தின் லாபத்தில் இருந்து ரூ. 10 கோடியை மாணவர்களின் கல்விக்கு உதவும் அமைப்புக்கு நன்கொடையாக வழங்குகிறார். 2025 ஆம் கல்வியாண்டில் அகரம் அறக்கட்டளைக்கு இந்த நன்கொடை வழங்கப்படும். படத்தின் வெற்றிக்கும் ரசிகர்கள் அளித்த ஆதரவுக்கும் சூர்யா நன்றி தெரிவித்துள்ளார்.

'Retro' திரைப்படத்தின் வெற்றிக்குப் பிறகு சூர்யா தனது ரசிகர்களுக்கு நன்றி தெரிவித்தார். இதுதொடர்பாக நடந்த விழாவில் சூர்யா பேசும்போது, இந்த எண்ணிக்கையை அதிகரிக்க, நாம் அகரத்திற்கு அதிக பங்களிப்பு செய்ய வேண்டும். அந்த இலக்கை நோக்கி முதல் அடியாக, 'Retro' படத்திற்கு நீங்கள் அளித்த அன்பிற்கும் ஆதரவிற்கும் நான் அகரம் அறக்கட்டளைக்கு இந்த கல்வி ஆண்டில் (2025) ரூ. 10 கோடி வழங்குகிறேன் என்பதை மகிழ்ச்சியுடன் தெரிவித்துக் கொள்கிறேன்.

பகிர்வதில் கிடைக்கும் மகிழ்ச்சியை விட பெரியது எதுவும் இல்லை. எனது முயற்சிகளை அங்கீகரித்து, எனக்கு ஒரு நடிகராக அடையாளத்தை அளித்த உங்களுடன் எனது வெற்றியைப் பகிர்ந்து கொள்வது எனக்கு மிகுந்த மகிழ்ச்சியை அளிக்கிறது.

Retro படத்திற்கு நீங்கள் காட்டியுள்ள அமோக ஆதரவு மனதை நெகிழ வைக்கும் வெற்றியை தந்துள்ளது. நான் ஒரு சவாலான சூழ்நிலையை எதிர்கொள்ளும் போதெல்லாம், உங்களின் அன்பும் ஊக்கமும் என்னை உயர்த்துகிறது. மேலும் என்னை தொடர்ந்து செயல்பட வைக்கிறது என்றார்.

Retro திரைப்படம் மே 1 அன்று வெளியானது. கார்த்திக் சுப்பராஜ் இந்த படத்தை இயக்கினார். பூஜா ஹெக்டே கதாநாயகியாக நடித்தார். இந்த படத்தில் சூர்யா, பூஜா ஹெக்டே, ஜோஜு ஜார்ஜ், ஜெயராம் மற்றும் கருணாகரன் ஆகியோர் நடித்திருந்தனர். சந்தோஷ் நாராயணன் இசையமைத்தார். 'Retro' ஒரு அதிரடி மற்றும் பொழுதுபோக்கு திரைப்படம். இந்த படம் அனைத்து தரப்பு ரசிகர்களையும் கவர்ந்தது. குறிப்பாக சூர்யாவின் நடிப்பு அனைவராலும் பாராட்டப்பட்டது. படத்தின் பாடல்கள் மற்றும் சண்டை காட்சிகள் சிறப்பாக இருந்ததாக ரசிகர்கள் தெரிவித்தனர்.

சூர்யா தொடர்ந்து நல்ல படங்களில் நடித்து வருகிறார். கூடவே பல்வேறு சமூக நலப்பணிகளிலும் ஈடுபட்டு வருகிறார் என்பது குறிப்பிடத்தக்கது.