120 கிலோ எடையிலிருந்து ஸ்லிம் பாடிக்கு மாறிய விஜய் சேதுபதி மகன்.. காரணம் இதுதானாம்!

சென்னை: விஜய் சேதுபதியின் மகன் சூர்யா சேதுபதி, அனல் அரசு இயக்கும் 'Phoenix' படத்தில் நடிக்கிறார். இது ஒரு ஸ்போர்ட்ஸ் ஆக்சன் படம். AK Braveman Picturess இதை தயாரிக்கிறது. படம் 2025 ஜூலை 4-ம் தேதி திரையரங்குகளில் வெளியாகிறது. 

சூர்யா, இதுதொடர்பாக அளித்துள்ள ஒரு பேட்டியில், படத்திற்காக உடல் எடையை குறைத்தது பற்றி பேசினார். படத்திற்காக அவர் 120 கிலோவில் இருந்து எடை குறைந்தது பற்றி கூறினார். ஒன்றரை வருடங்கள் இதற்காக உழைத்ததாக தெரிவித்தார்.

படம் ஆரம்பிக்கும்போது நான் 120 கிலோ இருந்தேன். ஒன்றரை வருடம் எடை குறைக்க ஆனது. எடை குறைக்கும்போது MMA கத்துக்கிட்டேன். அதுதான் படத்தோட முக்கியமான அம்சம். ஆரம்பத்தில் ஆறு மாதங்கள் கஷ்டமாக இருந்தது. ஏனென்றால், சர்க்கரை மற்றும் எண்ணெய் உணவுகளை தவிர்க்க வேண்டியிருந்தது. அது எனக்கு கஷ்டமா இருந்தது. ஆனால் போகப்போக ஈஸியா ஆயிடுச்சு என்று கூறியுள்ளார் சூர்யா சேதுபதி.

சூர்யா சேதுபதி 'Phoenix' படத்தில் அறிமுகமானது பற்றி விஜய் சேதுபதி கூறுகையில், அவனை ஸ்கூல்ல முதல் நாள் விட்ட மாதிரி இருந்தது என்றார்.

'Phoenix' படத்தில் நடிக்க வந்த கதை பற்றி சூர்யா ஒரு சுவாரஸ்யமான விஷயம் சொன்னார். அது அவருடைய அப்பா விஜய் சேதுபதி நடித்த 'Jawan' படத்துடன் தொடர்புடையது.

சூர்யா கூறும்போது, எனக்கு நடிக்கணும்னு ஆசை இருந்தது. ஆனால் எப்படி ஆரம்பிக்கிறதுன்னு தெரியல. 'Jawan' படத்தோட கிளைமாக்ஸ் ஷூட்டிங்ல அப்பாவை பார்க்க போனேன். அப்போ அனல் அரசு சார் என்ன பார்த்துட்டு, அப்பா கிட்ட 'Phoenix' கதை சொன்னார். 'சூர்யாவை வெச்சு படம் பண்ண ஆசைப்படுறேன். உங்களுக்கு ஓகேவா சார்?'னு கேட்டார். அதுக்கு அப்பா, 'அது அவனோட விருப்பம். கதை கேட்டுட்டு அவனே முடிவு பண்ணட்டும்'னு சொன்னார். நானும் கதை கேட்டேன். மூணு நாள் கழிச்சு ஓகே சொன்னேன். இப்படித்தான் இந்த பயணம் ஆரம்பிச்சது. கதை என்னைத் தேர்ந்தெடுத்ததுன்னு நினைக்கிறேன்" என்றார்.

'Phoenix' படத்தில் வரலட்சுமி சரத்குமார், சம்பத் ராஜ் மற்றும் தேவ தர்ஷினி ஆகியோரும் நடிக்கிறார்கள்.