கிளிகள் கூவும் தேனிசை தந்தவர் - தேவா!

- தி. மீரா

கானா மழையாய் மனங்களில் பொழிந்தவர்,

காதல் மெல்லிசையாய் இதயங்களில் நின்றவர்;

கிராமத்து மண்வாசனை பாடலாய் மலர்ந்தவர்,

கிளிகள் கூவும் தேனிசை தந்தவர்  தேவா

வைகாசி மலர்ந்த இசைப்பூக்கள் நிறைந்தவர்,

வானம் தாண்டிய தாளம் தந்தவர் தனித்தவர்;

நான்கு நூறு திரைகளில் நாடித் துடிப்பானவர்,

நாட்டுமக்கள் நெஞ்சில் நிலைத்திடும் கவிஞர்.

தென்றல் போலவே வந்து, தேனூற்றிச் சென்றார்,

தேவையில்லாத ஆரவாரம் விட்டுச் சென்றார்;

அவர் இசை இன்னும் காற்றில் ஒலிக்கும்,

அழியாத தேனிசையாய் என்றும் மலருமே

கிராமத்து மண் வாசனைத் தொட்டவர்

கானா கிங்காய் வலம் வந்தவர்

மினிபஸ் இவரது ராஜ்ஜியம் என்றும்

மின்னல் போல் வந்தார் இசையுலகில்.

(தி. மீரா, ஈரோடு, ஆசிரியர், கவிஞர், எழுத்தாளர், பேச்சாளர்)