சிறகுகள் இல்லாவிட்டாலும்.. சிந்தனை வானில் தடை இல்லை!

- சு.தா.அறிவழகன்

விதி எழுதிய கணக்கை - உன்

மதி கொண்டு மாற்றி நின்றாய்!

உடல் சுமக்கும் குறையை - உன்

உயிரின் திறமையால் வென்று நின்றாய்!

முடங்கிப் போவது தடையல்ல - உன்

முயற்சிக்கு எல்லை ஏதுமில்ல!

சிறகுகள் இல்லாவிட்டாலும் - உன்

சிந்தனை வானில் தடை இல்லை!

கல்லும் கனியாகும் உன் கலைத்திறனில்!

சொல்லும் கவிதையாகும் உன் நாவினில்!

காலம் தலைவணங்கும் உன் விடாமுயற்சியில்!

வையம் வியந்து நிற்கும் உன் தனித்துவத்தில்!

குறை என்பது உடலுக்குத்தான் - அது

ஊக்கம் நிறைந்த உன் உள்ளத்திற்கு அல்ல!

தோல்வி என்பது உனக்கில்லை - நீ

தன்னம்பிக்கை செதுக்கிய வைரச் சிலை!

வானவில்லுக்கும் வளைந்தால்தான் அழகு,

உன் வாழ்வுக்கும் இந்த சவால்களே மெருகு!

நிகரற்ற சாதனை உனக்காகக் காத்திருக்கு,

நிமிர்ந்து நட... உலகம் உன் பக்கம் இருக்கு!