12 ராசிகளுக்குமான இன்றைய ராசிபலன் டிசம்பர் 10, 2025... இன்று நினைத்தது நிறைவேறும்

தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2025 ஆம் ஆண்டு டிசம்பர் 10 ம் தேதி, புதன்கிழமை இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம். 

இன்றைய பஞ்சாங்கம் :

விசுவாவசு வருடம், கார்த்திகை 24ம் தேதி புதன்கிழமை

தேய்பிறை சஷ்டி, சுபமுகூர்த்தம். மனித உரிமை தினம், நோபல் பரிசு தினம். இன்று இரவு 07.58 வரை சஷ்டி திதியும், பிறகு சப்தமி திதியும் உள்ளது. காலை 08.36 வரை ஆயில்யம் நட்சத்திரமும், பிறகு மகம் நட்சத்திரமும் உள்ளது. இன்று முழுவதும் சித்தயோகம் உள்ளது.

நல்ல நேரம்: காலை 09.15 முதல் 10.15 வரை; மாலை - 04.45 முதல் 05.45 வரை

கெளரி நல்ல நேரம் : 10.45 முதல் 11.45 வரை ; மாலை 06.30 முதல் 07.30 வரை

ராகு காலம் - பகல் 12 முதல் 01.30 வரை

குளிகை - காலை 10.30 முதல் பகல் 12 வரை

எமகண்டம் - காலை 07.30 முதல் 9 வரை

சந்திராஷ்டமம் - பூராடம், உத்திராடம்

இன்றைய ராசிபலன் :

மேஷம் - மேஷ ராசிக்காரர்களுக்கு, குடும்பத் தலைவிகளுக்கு பணப் பற்றாக்குறை நீங்கி, பணம் தாராளமாக புழங்கும். பெண்கள் ஆடம்பரச் செலவுகளைத் தவிர்த்து, அத்தியாவசியப் பொருட்களை வாங்குவது நல்லது. அரசியல்வாதிகளுக்கு புகழ் மற்றும் கௌரவம் உயரும். வேலைக்குச் செல்பவர்களுக்கு சக ஊழியர்களின் ஒத்துழைப்பு கிடைக்கும். இவர்களுக்கான அதிர்ஷ்ட நிறம் ஊதா.

ரிஷபம் - ரிஷப ராசிக்காரர்களுக்கு, வியாபாரிகளுக்கு புதிய வாடிக்கையாளர்கள் கிடைப்பார்கள். குடும்பத் தலைவிகளின் தேவைகள் நிறைவேறும். புதிய நண்பர்கள் கிடைப்பார்கள். எதிர்பார்த்த காரியங்கள் நிறைவேறும். பழைய பிரச்சனைகளுக்கு மாறுபட்ட அணுகுமுறையால் தீர்வு காண்பீர்கள். ஆரோக்கியத்தில் எந்தப் பிரச்சனையும் இருக்காது. இவர்களுக்கான அதிர்ஷ்ட நிறம் சாம்பல்.

மிதுனம் - மிதுன ராசிக்காரர்களுக்கு, பங்குதாரர்களுடன் இருந்த மோதல்கள் நீங்கும். குலதெய்வப் பிரார்த்தனையை செய்து முடிப்பீர்கள். கமிஷன் மற்றும் இரும்புத் தொழிலில் உள்ளவர்களுக்கு நல்ல லாபம் கிடைக்கும். குடும்பத்தினருடன் வெளியிடங்களுக்கு இருவரும் இணைந்து செல்வர். மாணவர்களுக்கு முன்பை விட நல்ல ஞாபகத் திறனும் கல்வியில் ஆர்வமும் உண்டாகும். இவர்களுக்கான அதிர்ஷ்ட நிறம் வெள்ளை.

கடகம் - கடக ராசிக்காரர்கள் இரவு நேரப் பயணங்களைத் தவிர்ப்பது நல்லது. தவிர்க்க முடியாத பட்சத்தில், இரு சக்கர வாகனத்தை விட நான்கு சக்கர வாகனத்தில் பயணிப்பது சிறந்தது. தொழில் அதிபர்கள் தம்பதிகள் தங்கள் வருவாயைப் பெருக்க திட்டமிடுவர். நொறுக்குத் தீனிகளைச் சாப்பிடாமல் இருப்பது ஆரோக்கியத்திற்கு நல்லது. இவர்களுக்கான அதிர்ஷ்ட நிறம் சிவப்பு.

சிம்மம் - சிம்ம ராசிக்காரர்கள் சுபகாரியங்களுக்குத் தேவையான பொருட்களை வாங்கத் திட்டமிடுவீர்கள். தங்களுடைய அறிவை மற்றவர்களுக்கும் பரப்ப வேற்று மொழியைக் கற்கத் தொடங்குவீர்கள். குடும்பத் தலைவிகளுக்கு பணப்புழக்கம் அதிகரிக்கும். சுய தொழில் செய்பவர்களுக்கு நல்ல லாபம் உண்டாகும். பெண்களுக்கு நல்ல வரன் கிட்டும். இவர்களுக்கான அதிர்ஷ்ட நிறம் நீலம்.

கன்னி - கன்னி ராசிக்காரர்களுக்கு நல்ல வரன் கிடைக்கும். வரவேண்டிய பாக்கிகள் வந்து சேரும். பெண்கள் தங்கள் குடும்ப விஷயங்களை வெளியிடாமல் இருப்பது நல்லது. அரசியல்வாதிகள் மக்களிடம் பேராதரவைப் பெறுவர். வீட்டுப் பிராணிகளை வளர்க்க ஆர்வம் கொள்வீர்கள். உடல் நிலை மேம்படும். இவர்களுக்கான அதிர்ஷ்ட நிறம் மஞ்சள்.

துலாம் -   துலாம் ராசிக்காரர்களுக்கு, குடும்பத் தலைவிகளுக்கு தங்கள் கணவர் சம்பளத்தை முழுமையாகக் கொடுத்து மகிழ்ச்சியில் ஆழ்த்துவர். பல வருடங்களாக குழந்தைப்பேறு இல்லாதவர்களுக்கு குழந்தை பாக்கியம் கிடைக்கும். வெளிவட்டாரத்தில் மதிக்கப்படுவீர்கள். இவர்களுக்கான அதிர்ஷ்ட நிறம் பச்சை.

விருச்சிகம் - விருச்சிக ராசிக்காரர்களுக்கு பணப் பிரச்சினை இருக்காது. பிள்ளைகளை புதிய பாதையில் வழிநடத்துவீர்கள். வெளிவட்டாரத் தொடர்புகள் அதிகரிக்கும். முகத் தோற்றம் பளிச்சிடும். அதிக விற்பனைக்காக வியாபாரத்தைத் தொடங்க புது கிளையை புதிய இடத்திற்குத் திறப்பீர்கள். இவர்களுக்கான அதிர்ஷ்ட நிறம் நீலம்.

தனுசு -  தனுசு ராசிக்காரர்களுக்கு செலவுகள் அதிகரிக்கும். அத்தியாவசியத் தேவையா என உணர்ந்து செலவு செய்யுங்கள். உங்கள் பேச்சில் முதிர்ச்சி தெரியும். நட்பால் ஆதாயம் உண்டு. புதிய வியாபாரத்தில் முதலீடு செய்வீர்கள். இரு சக்கர வாகனம் ஓட்டும்போது வேகத்தைக் குறைப்பது நல்லது. இவர்களுக்கான அதிர்ஷ்ட நிறம் வெள்ளை.

மகரம் - மகர ராசிக்காரர்களுக்கு இன்று சந்திராஷ்டமம் என்பதால் மிகவும் கவனமாக இருக்க வேண்டும். யாரிடமும் வாக்குவாதங்கள் செய்ய வேண்டாம். மனக்குழப்பங்கள் ஏற்படும் என்பதால் மிகவும் கவனம் தேவை. இறைவனை மட்டும் பிரார்த்திப்பது நல்லது. பல காரியத் தடைகள் இருப்பதால் புதிய முயற்சிகளை எடுக்காமல் இருப்பது நல்லது. இவர்களுக்கான அதிர்ஷ்ட நிறம் பச்சை.

கும்பம் - கும்ப ராசிக்காரர்களுக்கு சில சமயம் முன்கோபம் வந்து போகும். உடல் நலத்தில் அதிக கவனம் செலுத்துவது நல்லது. பணப்பிரச்சினை நீங்கும். பெண்களுக்கு ஆடை, ஆபரணம் சேரும். பெரிய மனிதர்களின் ஆதரவு கிடைக்கும். கல்யாணப் பேச்சுவார்த்தை சாதகமாக முடியும். வியாபாரத்தில் சில புதிய மாற்றங்களைச் செய்வீர்கள். இவர்களுக்கான அதிர்ஷ்ட நிறம் ரோஸ்.

மீனம் - மீன ராசிக்காரர்களுக்கு, மணமாகாதவர்களுக்கு எதிர்பார்த்தபடியே துணை தேடி வரும். குடும்பத்தினருடன் வீண் வாக்குவாதம் வந்து போகும். வியாபாரத்தில் வேலையாட்களை அனுசரித்துப் போங்கள். உங்கள் காதலை வெளிப்படுத்த இது ஏற்ற காலம். உத்தியோகத்தில் அதிகாரியின் நம்பிக்கையைப் பெறுவீர்கள். இவர்களுக்கான அதிர்ஷ்ட நிறம் பச்சை.