12 ராசிகளுக்குமான இன்றைய ராசிபலன் டிசம்பர் 26, 2025... இன்று புதிய வாய்ப்புகள் தேடி வரும்

தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2025 ஆம் ஆண்டு டிசம்பர் 26 ம் தேதி, வெள்ளிக்கிழமை இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம். 

இன்றைய பஞ்சாங்கம் :

விசுவாவசு வருடம், மார்கழி 11 ம் தேதி வெள்ளிக்கிழமை

கரிநாள். இன்று காலை 10.37 வரை சஷ்டி திதியும், பிறகு சப்தமி திதியும் உள்ளது. காலை 06.34 வரை சதயம் நட்சத்திரமும், பிறகு பூரட்டாதி நட்சத்திரமும் உள்ளது. இன்று காலை 06.25 வரை மரணயோகமும், பிறகு சித்தயோகமும் உள்ளது.

நல்ல நேரம்: காலை 9.15 முதல் 10.15 வரை; மாலை - 04.45 முதல் 05.45 வரை

கெளரி நல்ல நேரம் : கிடையாது ; மாலை 06.30 முதல் 07.30 வரை

ராகு காலம் - காலை 10.30 முதல் பகல் 12 வரை

குளிகை - காலை 07.30 முதல் 9 வரை

எமகண்டம் - பகல் 3 வரை மாலை 04.30 வரை 

சந்திராஷ்டமம் - பூசம், ஆயில்யம்

இன்றைய ராசிபலன் :

மேஷம் - மேஷ ராசிக்காரர்களுக்கு, பிள்ளைகளின் சுப காரியங்களுக்காக வெளியூர் பயணம் மேற்கொண்டு ஆடை, ஆபரணங்கள் வாங்குவார்கள். மாணவர்கள் கல்வியில் சிறந்து விளங்குவார்கள். நினைத்த பல காரியங்களில் ஒன்று நிறைவேறும். ஆன்மீகத்தில் மனம் நாடும். உடற்பயிற்சியின் அவசியத்தை உணர்வார்கள். இவர்களுக்கான அதிர்ஷ்ட நிறம் நீலம்.

ரிஷபம் - ரிஷப ராசிக்காரர்களுக்கு, ரியல் எஸ்டேட் மற்றும் கமிஷன் துறையில் இருப்பவர்களுக்கு நல்ல தொகை கிடைக்கும். ஆதாரமில்லாமல் மேடைகளில் ஆவேசமாக பேச வேண்டாம் என்று அறிவுறுத்தப்பட்டுள்ளது. தீர்க்க யாத்திரை மேற்கொண்டு மகான்கள், ஆன்மீகவாதிகளை சந்தித்து ஆசி பெறுவார்கள். உடல் நலம் சிறக்கும். இவர்களுக்கான அதிர்ஷ்ட நிறம் மஞ்சள்.

மிதுனம் - மிதுன ராசிக்காரர்கள் குல தெய்வ பிரார்த்தனையை செய்து முடிப்பார்கள். மளிகைக் கடை வியாபாரிகளுக்கு நல்ல லாபம் கிடைக்கும். வேலை தேடுபவர்களுக்கு விரும்பிய உத்தியோகம் கிடைக்கும். நாத்தனார் தொல்லை அகலும். பங்குதாரர்களுடன் இருந்த மோதல்கள் நீங்கும். இவர்களுக்கான அதிர்ஷ்ட நிறம் பச்சை.

கடகம் - கடக ராசிக்காரர்களுக்கு, அரசியல்வாதிகள் பேச்சில் நிதானம் தேவை. பொறுமை அவசியம். மார்க்கெட்டிங் பிரிவினர்கள் இலக்குகளை எட்டிவிடுவார்கள். கலைஞர்களுக்கு நல்ல வாய்ப்புகள் கதவை தட்டும். கமிஷன் மற்றும் இரும்பு தொழிலில் உள்ளவர்களுக்கு நல்ல லாபம் கிடைக்கும். இவர்களுக்கான அதிர்ஷ்ட நிறம் வான்நீலம்.

சிம்மம் - சிம்ம ராசிக்காரர்களுக்கு, சுப காரியங்களை தள்ளி வைப்பது நல்லது. இன்று இறைவனை வேண்டுவது நல்லது. காரணம், தங்களுக்கு சந்திராஷ்டமம் என்பதால் முக்கியமான நபர்களை தவிர்ப்பது நல்லது. இன்று தங்கள் ராசிக்கு சந்திரன் அஷ்டம ஸ்தானத்தில் உள்ளது. இவர்களுக்கான அதிர்ஷ்ட நிறம் சாம்பல்.

கன்னி - கன்னி ராசிக்காரர்களுக்கு, அரசியல்வாதிகளுக்கு புகழ், கௌரவம் உயரும். பல வருடங்களாக குழந்தை பேறு இல்லாதவர்களுக்கு குழந்தை பாக்கியம் கிடைக்கும். எதிர்பார்த்த ஒரு தொகை கிடைக்கும். வெளிவட்டாரத்தில் மதிக்கப்படுவார்கள். பெண்கள் ஆடம்பரச் செலவுகளை தவிர்த்து அத்தியாவசியப் பொருட்களை வாங்குவார்கள். இவர்களுக்கான அதிர்ஷ்ட நிறம் வெள்ளை.

துலாம் - துலாம் ராசிக்காரர்களுக்கு, பணவரவு அதிகரிக்கும். அரசு சம்பந்தப்பட்ட டெண்டர் போன்ற விஷயங்களில் வெற்றி நிச்சயம். நடைபாதை வியாபாரிகளுக்கு நல்ல லாபம் கிடைக்கும். பிரபலங்கள் வீட்டு விசேஷங்களில் கலந்துகொள்ளும் அளவிற்கு நெருக்கமாவார்கள். புதியவர்களின் நட்பு பலக்கும். வாகனம் ஓட்டும் போது வாகனத்தின் முக்கிய ஆவணங்களை வைத்துக் கொள்வது நல்லது. இவர்களுக்கான அதிர்ஷ்ட நிறம் சிவப்பு.

விருச்சிகம் - விருச்சிக ராசிக்காரர்களுக்கு, பணம் பல வழிகளில் வரும். வியாபாரத்தில் உள்ளவர்கள் புதிய அணுகுமுறையைக் கையாண்டு அதிக லாபத்தை ஈட்டுவார்கள். உடல் உற்சாகத்துடன் காணப்படும். ஒரு சிலருக்கு இடமாற்றம் ஏற்படும். பங்குச் சந்தை பலன் தரும். தம்பதிகளின் ஒற்றுமைக்கு எந்த குறையும் இருக்காது. இவர்களுக்கான அதிர்ஷ்ட நிறம் ரோஸ்.

தனுசு -  தனுசு ராசிக்காரர்களுக்கு, விவசாயிகளுக்கு கேட்ட கடன் தொகை கிடைக்கும். ஆன்லைன் மற்றும் பங்குச் சந்தையில் ஈடுபட்டவர்கள் நிலவரத்தை அறிந்து நிதானத்துடன் செயல்படவும். குடும்பத் தலைவிகள் தங்களுடைய அனாவசியமான ஆடம்பரச் செலவுகளைக் குறைத்துக்கொண்டு அத்தியாவசியத்திற்கு மட்டும் செலவு செய்யப் பாருங்கள். இவர்களுக்கான அதிர்ஷ்ட நிறம் மஞ்சள்.

மகரம் - மகர ராசிக்காரர்களுக்கு, பிள்ளைகளுக்காக கூடுதல் நேரம் ஒதுக்குவது நல்லது. கலைஞர்களுக்கு வரவேண்டிய மீதித் தொகை வந்து சேரும். பயணங்களின் போது கவனம் தேவை. வெளிநாட்டில் வசிப்பவர்களால் உங்களது தொழிலுக்கு உதவி கிடைக்கும். வீட்டைப் பற்றியும் கவனத்தில் கொள்வது நல்லது. இவர்களுக்கான அதிர்ஷ்ட நிறம் சாம்பல்.

கும்பம் - கும்ப ராசிக்காரர்களுக்கு, பணவரவில் தாமதம் இல்லை. வியாபாரிகளுக்கு கடன் பிரச்சினை தீரும். பெரியவர்களின் ஆலோசனைக்கு மதிப்புக் கொடுங்கள். வீட்டுத் தேவைகளை பூர்த்தி செய்வீர்கள். பெண்களுக்கு மாதவிடாய் பிரச்சினை நீங்கும். வேலையாட்கள் கடமையுணர்வுடன் செயல்படுவார்கள். இவர்களுக்கான அதிர்ஷ்ட நிறம் சாம்பல்.

மீனம் - மீன ராசிக்காரர்களுக்கு, பெரியவர்களின் ஆதரவு கிடைக்கும். புதிய முயற்சிகள் உங்களுக்கு பலிக்கும். பிரபலமானவர்களால் உதவி உண்டு. தொழிலில் சில மாற்றங்கள் செய்வீர்கள். தம்பதிகளிடையே அன்பு பலமாகும். பெண்களுக்கு கை, கால் வலி குறைந்து, ஆரோக்கியம் சிறக்கும். பழைய நண்பர்களின் சந்திப்பு உண்டாகும். இவர்களுக்கான அதிர்ஷ்ட நிறம் கருநீலம்.