12 ராசிகளுக்குமான இன்றைய ராசிபலன் டிசம்பர் 27, 2025... இன்று கடன்கள், துன்பங்கள் முடிவுக்கு வரும்

தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2025 ஆம் ஆண்டு டிசம்பர் 27 ம் தேதி, சனிக்கிழமை இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம். 

இன்றைய பஞ்சாங்கம் :

விசுவாவசு வருடம், மார்கழி 12 ம் தேதி சனிக்கிழமை

அஷ்டம். இன்று காலை 09.21 வரை சப்தமி திதியும், பிறகு அஷ்டமி திதியும் உள்ளது. காலை 06.06 வரை பூரட்டாதி நட்சத்திரமும், பிறகு உத்திரட்டாதி நட்சத்திரமும் உள்ளது. இன்று நாள் முழுவதும் சித்தயோகம் உள்ளது.

நல்ல நேரம்: காலை 07.45 முதல் 08.45 வரை; மாலை - 01.45 முதல் 02.45 வரை

கெளரி நல்ல நேரம் : 10.45 முதல் 11.45 ; மாலை 09.30 முதல் 10.30 வரை

ராகு காலம் - காலை 9 முதல் 10.30 வரை

குளிகை - காலை 6 முதல் 07.30 வரை

எமகண்டம் - பகல் 01.30 முதல் 3 வரை 

சந்திராஷ்டமம் - ஆயில்யம், மகம்

இன்றைய ராசிபலன் :

மேஷம் - வெளிநாட்டுச் செய்திகள் மகிழ்ச்சியைத் தரும். கொடுக்கல் வாங்கலில் கவனமாக இருப்பது நல்லது. உத்தியோகத்தில் இருப்பவர்களுக்கு வேலைப்பளு குறையும். பெண்கள் தங்களுக்குப் பிடித்தமான பொருட்களை வாங்குவார்கள். குடும்பப் பிரச்சினைகள் சீராகும். கணவர் வழியில் உதவிகள் கிடைக்கும். இவர்களுக்கான அதிர்ஷ்ட நிறம் கரும் பச்சை.

ரிஷபம் - வரவுக்கு ஏற்றவாறு செலவுகள் இருக்கும். உத்தியோகத்தில் அதிகாரிகளின் நம்பிக்கையைப் பெறுவார்கள். வியாபாரத்தில் வேலை செய்பவர்களை அனுசரித்துச் செல்ல வேண்டும். உடல் ஆரோக்கியம் சிறப்பாக இருக்கும். வெளிவட்டாரத்தில் அலைச்சல் சற்று அதிகமாக இருக்கும். வங்கியில் வைப்புத் தொகையாகப் பணம் டெபாசிட் செய்வார்கள். இவர்களுக்கான அதிர்ஷ்ட நிறம் கடல் நீலம்.

மிதுனம் - கலைத்துறையில் இருப்பவர்களுக்குப் பாராட்டுகள் குவியும். அரசு தொடர்பான விஷயங்களில் லாபம் கிடைக்கும். ரியல் எஸ்டேட் தொழில் செய்பவர்களுக்கு நிலம் மற்றும் மனையால் லாபம் வரும். கூட்டுத் தொழிலில் நல்ல தொகை கிடைக்கும். தம்பதிகள் தங்கள் தவறுகளை உணர்வார்கள். இவர்களுக்கான அதிர்ஷ்ட நிறம் ரோஸ்.

கடகம் - கணவன்-மனைவி இடையே இருந்த கருத்து வேறுபாடுகள் நீங்கி, மகிழ்ச்சியான சூழல் உருவாகும். அன்பு அதிகரிக்கும். பணப் பற்றாக்குறை ஏற்பட்டாலும், தேவையான நேரத்தில் எங்கிருந்தோ பணம் வந்து சேரும். குடும்பத்தில் அந்நியர்களின் தலையீடு ஏற்பட வாய்ப்புள்ளது. அதைத் தடுக்க வேண்டும். திருமண முயற்சிகள் வெற்றி பெறும். இவர்களுக்கான அதிர்ஷ்ட நிறம் சிவப்பு.

சிம்மம் - சுப காரியங்களைத் தள்ளி வைப்பது நல்லது. இன்று இறைவனை வணங்குவது சிறந்தது. காரணம், இன்று சந்திராஷ்டமம் இருப்பதால், முக்கியமான நபர்களைத் தவிர்ப்பது நல்லது. இன்று சந்திரன் அஷ்டம ஸ்தானத்தில் இருப்பதால், கவனமாக இருக்க வேண்டும். இவர்களுக்கான அதிர்ஷ்ட நிறம் வான் நீலம்.

கன்னி - வியாபாரத்தில் லாபம் அதிகரிக்கும். குடும்ப உறுப்பினர்களை நம்புவது நல்லது. வர வேண்டிய பணம் வசூலாகும். உடல் நலனில் கவனம் செலுத்த வேண்டும். நீண்ட நாள் நிறைவேற்ற நினைத்த வேண்டுதலை நிறைவேற்றுவார்கள். வெளியில் சாப்பிடுவதைத் தவிர்க்க வேண்டும். மாணவர்களுக்குப் படிப்பில் ஆர்வம் கூடும். இவர்களுக்கான அதிர்ஷ்ட நிறம் மஞ்சள்.

துலாம் - நீண்ட நாள் பிரார்த்தனைகள் நிறைவேறும். வியாபாரத்தில் போட்டிகள் குறையும். குடும்பத்தின் அடிப்படைத் தேவைகளை மேம்படுத்துவார்கள். நட்பால் ஆதாயம் கிடைக்கும். உத்தியோகத்தில் மதிப்பைப் பெறுவார்கள். பிள்ளைகளால் ஆறுதல் அடைவார்கள். உடலில் கை, கால், மூட்டு வலி வந்து போகும். இவர்களுக்கான அதிர்ஷ்ட நிறம் ஊதா.

விருச்சிகம் - நண்பர்கள் மற்றும் விரும்பியவர்கள் உங்களைத் தேடி வருவார்கள். வெளிவட்டாரத் தொடர்புகள் அதிகரிக்கும். திட்டமிட்ட செலவுகளைச் செய்து முடிப்பீர்கள். வழக்கு சம்பந்தமான இழுபறிகள் நீங்கும். கணவன்-மனைவி உறவு மேம்படும். உத்தியோகத்தில் அமைதி நிலவும். உடல் நலம் சீராகும். இவர்களுக்கான அதிர்ஷ்ட நிறம் கிரே.

தனுசு -  திருமணப் பேச்சுவார்த்தைகள் சாதகமாக முடியும். அதிக விற்பனைக்காக வியாபாரத்தை வேறு இடத்திற்கு மாற்றுவீர்கள். மனைவி வழியில் உதவிகள் கிடைக்கும். தொலைந்து போன பொருள் மீண்டும் கிடைக்கும். பிள்ளைகளை நல்ல பாதையில் வழிநடத்துவீர்கள். இவர்களுக்கான அதிர்ஷ்ட நிறம் வெள்ளை.

மகரம் - வரவேண்டிய பதவி உங்களைத் தேடி வரும். பிள்ளைகள் பெருமை சேர்ப்பார்கள். நண்பர்களில் ஒரு சிலரே உங்களுக்கு உண்மையாக இருப்பார்கள். அவர்களில் ஒருவர் உங்களுக்குத் தேவையான உதவியைச் செய்வார். யாருக்கும் கடன் கொடுக்க வேண்டாம். இவர்களுக்கான அதிர்ஷ்ட நிறம் நீலம்.

கும்பம் - நண்பர்களுக்கு உதவி செய்யும் நிலையில் இருப்பீர்கள். அவர்களும் உங்களுக்கு நன்றியுடன் இருப்பார்கள். பண விஷயத்தில் யாரையும் நம்பி இருக்க வேண்டாம். எந்த முடிவாக இருந்தாலும் நீங்களே சிந்தித்துச் செயல்படுவது நல்லது. மாணவர்கள் உயர் கல்விக்காக வெளிநாடு செல்வார்கள். இவர்களுக்கான அதிர்ஷ்ட நிறம் பச்சை.

மீனம் - கணவன்-மனைவிக்குள் ஒற்றுமை அதிகரிக்கும். பிள்ளைகள் மேற்படிப்பைத் தொடங்குவார்கள். கூட்டுத் தொழிலால் லாபம் கிடைக்கும். அரசியல்வாதிகளுக்குப் புதிய பதவி தேடி வரும். பங்குச் சந்தை லாபம் தரும். உடல் நலம் சிறப்பாக இருக்கும். வேலையில் உள்ளவர்களுக்கு உயர் அதிகாரிகள் பாராட்டுவார்கள். இவர்களுக்கான அதிர்ஷ்ட நிறம் ரோஸ்.