12 ராசிகளுக்குமான இன்றைய ராசிபலன் டிசம்பர் 30, 2025... இன்று மோட்சம் தரும் வைகுண்ட ஏகாதசி

தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2025 ஆம் ஆண்டு டிசம்பர் 30 ம் தேதி, செவ்வாய்கிழமை இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம். 

இன்றைய பஞ்சாங்கம் :

விசுவாவசு வருடம், மார்கழி 15 ம் தேதி செவ்வாய்கிழமை

வைகுண்ட ஏகாதசி. இன்று அதிகாலை 03.50 வரை தசமி திதியும், பிறகு ஏகாதசி திதியும் உள்ளது. அதிகாலை 02.40 வரை அஸ்வினி நட்சத்திரமும், பிறகு பரணி நட்சத்திரமும் உள்ளது. இன்று நாள் முழுவதும் சித்தயோகம் உள்ளது.

நல்ல நேரம்: காலை 07.45 முதல் 08.45 வரை; மாலை - 04.45 முதல் 05.45 வரை

கெளரி நல்ல நேரம் : 10.30 முதல் 11 வரை ; மாலை 07.30 முதல் 08.30 வரை

ராகு காலம் - பகல் 3 முதல் மாலை 04.30 வரை

குளிகை - பகல் 12 முதல் 01.30 வரை

எமகண்டம் - காலை 9 முதல் 10.30 வரை 

சந்திராஷ்டமம் - உத்திரம், அஸ்தம்

இன்றைய ராசிபலன் :

மேஷம் - மேஷ ராசிக்காரர்கள் தங்கள் உத்யோகத்தில் வேலையை நேர்த்தியாக செய்து மேலதிகாரிகளின் நம்பிக்கையைப் பெறுவார்கள். குடும்பத்தினருடன் சில வீண் வாக்குவாதங்கள் ஏற்பட வாய்ப்புள்ளது. வியாபாரத்தில் வேலையாட்களை அனுசரித்துச் செல்வது நல்லது. உடன் பிறந்தவர்களின் விருப்பங்களை நிறைவேற்றுவீர்கள். இவர்களுக்கான அதிர்ஷ்ட நிறம் ஊதா.

ரிஷபம் - ரிஷப ராசிக்காரர்கள் வெகுநாட்களாக சந்திக்க நினைத்தவர்களை தேடிச் சென்று சந்திப்பார்கள். வழக்கு சம்பந்தமான இழுபறிகள் நீங்கி நல்ல முடிவுகள் ஏற்படும். செலவுகளுக்கு ஏற்றவாறு பணம் வந்து சேரும். உடல் நலம் பலம் பெறும். மாணவர்கள் தங்கள் விடுமுறையை விளையாட்டுத் துறையில் ஈடுபடுத்திக்கொள்வார்கள். இவர்களுக்கான அதிர்ஷ்ட நிறம் சாம்பல்.

மிதுனம் - மிதுன ராசிக்காரர்களுக்கு நட்பால் ஆதாயம் உண்டு. புதிய வியாபாரத்தில் முதலீடு செய்வார்கள். இரு சக்கர வாகனம் ஓட்டும் போது வேகத்தைக் குறைப்பது நல்லது. பணவரவு நன்றாக இருக்கும். வியாபாரத்தில் போட்டிகளை எதிர்கொண்டு வெற்றி காண்பார்கள். பிள்ளைகளால் ஆறுதலடைவார்கள். இவர்களுக்கான அதிர்ஷ்ட நிறம் வெள்ளை.

கடகம் - கடக ராசிக்காரர்களுக்கு புதிய நண்பர்கள் கிடைப்பார்கள். தக்க சமயத்தில் நண்பர்கள் உதவுவார்கள். ஆரோக்கியத்தில் பெரிய பிரச்சினைகள் எதுவும் இல்லை. வியாபாரிகளுக்கு புதிய வாடிக்கையாளர்கள் கிடைப்பார்கள். எதிரிகள் விலகிப் போவார்கள். பழைய பிரச்சினைகளுக்கு மாறுபட்ட அணுகுமுறையால் தீர்வு காண்பார்கள். இவர்களுக்கான அதிர்ஷ்ட நிறம் சிவப்பு.

சிம்மம் - சிம்ம ராசிக்காரர்களுக்கு தம்பதியரிடையே இருந்த மனக்கசப்பு நீங்கும். உத்யோகத்தில் மதிப்புக் கூடும். மேலதிகாரிகள் உங்களை நம்பி முக்கிய பொறுப்புகளை ஒப்படைப்பார்கள். மனைவி வழியில் உதவிகள் உண்டு. வரவுக்கு ஏற்ற செலவுகள் இருக்கும். வெளிவட்டாரத்தில் அலைச்சல் அதிகரிக்கும். தாய்வழி உறவினர்களால் ஆதாயமடைவார்கள். இவர்களுக்கான அதிர்ஷ்ட நிறம் நீலம்.

கன்னி - கன்னி ராசிக்காரர்களுக்கு இன்று சந்திராஷ்டமம் இருப்பதால், மிகவும் கவனமாக இருக்க வேண்டும். யாரிடமும் வாக்குவாதங்கள் செய்ய வேண்டாம். மனக்குழப்பங்கள் ஏற்பட வாய்ப்புள்ளதால், மிகவும் கவனம் தேவை. இறைவனை மட்டும் பிரார்த்திப்பது நல்லது. பல காரியத் தடைகள் இருப்பதால், புதிய முயற்சிகளை எடுக்காமல் இருப்பது நல்லது. இவர்களுக்கான அதிர்ஷ்ட நிறம் மஞ்சள்.

துலாம் - துலாம் ராசிக்காரர்களுக்கு பிள்ளைகள் நன்கு படிப்பார்கள். குடும்பத்தில் பெண்களுக்கு முக்கியத்துவம் மிகும். உத்யோகஸ்தர்கள் மேலதிகாரிகளிடம் நற்பெயரைப் பெறுவர். மணமாகாதவர்களுக்கு எதிர்பார்த்தபடியே விரும்பிய துணை தேடி வரும். அரசியல்வாதிகளின் எண்ணம் ஈடேறும். வியாபாரிகளுக்கு லாபம் அதிகரிக்கும். இவர்களுக்கான அதிர்ஷ்ட நிறம் பச்சை.

விருச்சிகம் - விருச்சிக ராசிக்காரர்களுக்கு வியாபாரத்தில் நஷ்டம் ஏற்படாது. சிறு வியாபாரிகள் லாபம் காண்பார்கள். வாகனம் ஓட்டும் போது கவனமுடன் இருப்பது நல்லது. பிள்ளைகளின் புது முயற்சிகளை ஆதரிப்பீர்கள். உத்யோகத்தில் வேலைப் பளு அதிகமாக இருக்கும். கலைஞர்கள் தங்கள் படங்களில் வெற்றி காண்பார்கள். தம்பதியரிடத்தில் ஆரோக்கியமான விவாதங்கள் வரும். இவர்களுக்கான அதிர்ஷ்ட நிறம் நீலம்.

தனுசு -  தனுசு ராசிக்காரர்கள் புதிய கிளைகளை வியாபாரத்தில் துவங்குவார்கள். தியானம் மேற்கொள்வது டென்ஷனைக் குறைத்து, உடல் பொலிவைக் கூட்டும். பிரபலங்களின் நட்பு கிடைக்கும். மாணவர்களுக்கு நினைவாற்றல் கூடும். தம்பதியரிடையே மனஸ்தாபம் நேரலாம், முன்கோபத்தைத் தவிர்ப்பது நல்லது. இவர்களுக்கான அதிர்ஷ்ட நிறம் ரோஸ்.

மகரம் - மகர ராசிக்காரர்களுக்கு பண வரவு கூடும். பெண்களுக்கு ஆடை, ஆபரணம் சேரும். பெரிய மனிதர்களின் ஆதரவு கிடைக்கும். கல்யாணப் பேச்சுவார்த்தை சாதகமாக முடியும். வியாபாரத்தில் சில மாற்றங்கள் செய்வீர்கள். உங்கள் பேச்சில் முதிர்ச்சி தெரியும். உடல் நலத்தில் அதிக கவனம் செலுத்துவது நல்லது. இவர்களுக்கான அதிர்ஷ்ட நிறம் பச்சை.

கும்பம் - கும்ப ராசிக்காரர்கள் தொழில் அதிபர்களாக தங்கள் வருவாயினைப் பெருக்க திட்டமிடுவார்கள். இரவு நேர பயணத்தை தவிர்க்கவும். அக்கம் பக்கத்தினரிடம் தங்கள் குடும்ப விஷயத்தை வெளியிடாமல் இருப்பது நல்லது. மாணவர்கள் வேற்று மொழியினைக் கற்க ஆர்வம் கொள்வார்கள். தேக ஆரோக்கியம் நன்கு இருக்கும். இவர்களுக்கான அதிர்ஷ்ட நிறம் கிரே.

மீனம் - மீன ராசிக்காரர்களுக்கு வரவேண்டிய பாக்கிகள் வந்து சேரும். உத்யோகத்தில் அமைதி நிலவும். வெளிவட்டாரத் தொடர்புகள் அதிகரிக்கும். பணப் பிரச்சினை இருக்காது. பிள்ளைகளை புதிய பாதையில் வழி நடத்துவீர்கள். முகத் தோற்றம் பளிச்சிடும். அதிக விற்பனைக்காக வியாபாரத்தை துவங்க புது இடத்திற்கு கடையை மாற்றுவீர்கள். இவர்களுக்கான அதிர்ஷ்ட நிறம் நீலம்.