12 ராசிகளுக்குமான இன்றைய ராசிபலன் நவம்பர் 13, 2025... இன்று பணம் கைக்கு வரப் போகும் ராசிகள்

தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2025 ஆம் ஆண்டு நவம்பர் 13 ம் தேதி, வியாழக்கிழமை இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம். 

இன்றைய பஞ்சாங்கம் :

விசுவாவசு வருடம், ஐப்பசி 27 ம் தேதி வியாழக்கிழமை

உலக கருணை தினம். இன்று காலை 04.57 வரை அஷ்டமி திதியும், பிறகு நவமி திதியும் உள்ளது. அதிகாலை 12.52 வரை ஆயில்யம் நட்சத்திரமும், பிறகு மகம் நட்சத்திரமும் உள்ளது. இன்று காலை 06.11 வரை சித்தயோகமும், பிறகு அமிர்தயோகமும் உள்ளது. 

நல்ல நேரம்: காலை 10.45 முதல் 11.45 வரை; மாலை - கிடையாது

கெளரி நல்ல நேரம் : 12.00 முதல் 01.00 வரை ; மாலை 06.30 முதல் 07.30 வரை

ராகு காலம் - பகல் 01.30 முதல் 3 வரை

குளிகை - காலை 9 முதல் 10.30 வரை

எமகண்டம் - காலை 6 முதல் 07.30 வரை

சந்திராஷ்டமம் - பூராடம், உத்திராடம்

இன்றைய ராசிபலன் :

மேஷம் - மேஷ ராசிக்காரர்களுக்கு இன்று நண்பர்களுடன் நீண்ட தூர ஆன்மிக சுற்றுலா செல்லும் வாய்ப்பு உண்டு. உங்களுக்கு சேர வேண்டிய பங்குத் தொகை வந்து சேரும். சோர்வாக இருந்தவர்களுக்கு மனதில் உற்சாகமும் தன்னம்பிக்கையும் அதிகரிக்கும். புதுமண தம்பதிகளுக்கு குழந்தை பாக்கியம் கிடைக்கும். அதிர்ஷ்ட நிறம் ஆரஞ்ச்.

ரிஷபம் -  ரிஷப ராசிக்காரர்களுக்கு, குடும்பத் தலைவிகள் சிக்கனத்தைக் கடைப்பிடிப்பார்கள். காதல் மலரும். அரசு தொடர்பான காரியங்கள் உங்களுக்குச் சாதகமாக அமையும். நண்பர்களும் உறவினர்களும் உங்களை வலிய வந்து பேசுவார்கள். மகன் அல்லது மகளுக்கு நல்ல இடத்தில் இருந்து திருமண சம்பந்தம் கூடிவரும். அதிர்ஷ்ட நிறம் மஞ்சள்.

மிதுனம் - மிதுன ராசிக்காரர்களுக்கு பதவி உயர்வு பற்றிய செய்திகள் வரக்கூடும். நண்பர்களிடம் பண விஷயத்தில் கறாராக இருப்பது அவசியம். உங்கள் தேகம் பொலிவு பெறும். வியாபாரத்தில் லாபம் ஏற்படும். பண வரவு அதிகரிக்கும். குடும்பத்தில் சில பிரச்சினைகள் தோன்றலாம். யாருக்கும் ஜாமீன் கையெழுத்து போட வேண்டாம். அதிர்ஷ்ட நிறம் ரோஸ்.

கடகம் - கடக ராசிக்காரர்களுக்கு வேலைப்பளு அதிகரிக்கும். பயணங்களில் லாபம் கிடைக்கும். வெளிநாடு செல்ல திட்டமிடுவீர்கள். சுப காரியங்கள் நடைபெறும். சமூகத்தில் உங்கள் மதிப்பு உயரும். தம்பதிகளிடையே அன்பு பெருகும். பெண்கள் தங்கள் தோழிகளிடம் மனம்விட்டுப் பேச நேரம் கிடைக்கும். உடல்நலம் மேம்படும். அதிர்ஷ்ட நிறம் நீலம்.

சிம்மம் - சிம்ம ராசிக்காரர்களுக்கு கர்ப்பிணிகள் மிகுந்த கவனத்துடன் இருக்க வேண்டும். மருத்துவச் செலவுகளுக்கும் வாய்ப்பு உண்டு. உடல் நலத்தைப் பார்த்துக் கொள்வது நல்லது. வெளியூர் பயணங்களைத் தவிர்ப்பது நன்மை தரும். புரமோஷன் அல்லது டிரான்ஸ்பருக்கு வாய்ப்பு உள்ளது. புதிய வருமானத்திற்கான வழிகள் பிறக்கும். அதிர்ஷ்ட நிறம் கரும்பச்சை.

கன்னி - கன்னி ராசிக்காரர்களுக்கு வியாபாரத்தில் முன்னேற்றம் காணப்படும். சிகிச்சையில் இருப்பவர்கள் முழுமையாக குணமடைவார்கள். வேலை தொடர்பான வெற்றிகள் உண்டு. புதிய வேலை வாய்ப்புகள் கிடைக்கும். பல ஆன்மீக ஸ்தலங்களுக்குச் செல்ல வேண்டும் என்ற உங்கள் எண்ணம் நிறைவேறும். உத்யோகம் உங்களுக்குச் சாதகமாக இருக்கும். அதிர்ஷ்ட நிறம் வெள்ளை.

துலாம் -   துலாம் ராசிக்காரர்களுக்கு, பூர்வீக சொத்து சம்பந்தமாக இருந்த வில்லங்கங்களும் தடைகளும் நீங்கும். உங்களுக்குச் சேர வேண்டிய பங்குத் தொகை வந்து சேரும். புதிய ஒப்பந்தங்களில் கையெழுத்திடுவீர்கள். தம்பதிகளிடையே ஒற்றுமை அதிகரிக்கும். குழந்தை பாக்கியத்தை எதிர்பார்த்திருப்பவர்களுக்கு விரைவில் வீட்டில் மழலைச் செல்வம் பிறக்கும். அதிர்ஷ்ட நிறம் சிவப்பு.

விருச்சிகம் - விருச்சிக ராசிக்காரர்களுக்கு, விற்கப்படாமல் இருந்த காலி மனைகளை வாங்குவதற்கு வாடிக்கையாளர்கள் தேடி வருவார்கள். புதிய முயற்சிகள் வெற்றி அடையும். குடும்பத்தைப் பிரிந்து வெளியூரில் இருப்பவர்கள் சொந்த ஊருக்கு மாற்றலாகி வருவார்கள். ஒரு சிலருக்கு புதிய நிறுவனங்களில் வேலை கிடைக்கும். குடும்பத்தில் சுப செலவுகள் ஏற்படும். உடல் நலம் சீராகும். அதிர்ஷ்ட நிறம் பச்சை.

தனுசு -  தனுசு ராசிக்காரர்களுக்கு இன்று சந்திராஷ்டமம் இருப்பதால், இறைவனை மட்டும் பிரார்த்திப்பது நல்லது. இன்று பல காரியத் தடைகள் ஏற்பட வாய்ப்புள்ளதால், புதிய முயற்சிகளைத் தவிர்ப்பது சிறந்தது. யாரிடமும் வாக்குவாதங்களில் ஈடுபட வேண்டாம். மனக்குழப்பங்கள் ஏற்படக்கூடும் என்பதால் மிகுந்த கவனம் தேவை. அதிர்ஷ்ட நிறம் சாம்பல்.

மகரம் - மகர ராசிக்காரர்களுக்கு ரியல் எஸ்டேட் துறையில் உள்ளவர்களுக்கு நல்ல கமிஷன் கிடைக்கும். தொழிலதிபர்களுக்கு வேலையாட்கள் ஒத்துழைப்பு அளிப்பார்கள். உங்கள் நீண்ட கால கோரிக்கைகள் நிறைவேறும். பதவி உயர்வு, சம்பள உயர்வு கிடைக்கும். அதே நேரத்தில் வேலைப்பளுவும் அதிகரிக்கும். அதிர்ஷ்ட நிறம் வெள்ளை.

கும்பம் - கும்ப ராசிக்காரர்களுக்கு பழைய கடன்கள் அடைபடும். சொந்த பிளாட் அல்லது நிலம் வாங்க வேண்டும் என்ற உங்கள் ஆசை நிறைவேறும். புதிய கிளைகள் திறக்கும் யோகம் உள்ளது. தந்தையின் சொற்களுக்குச் செவிசாய்ப்பது நன்மை தரும். சரியான வேலை அமையாமல் தவித்தவர்களுக்கு நல்ல நிறுவனத்தில் வேலை கிடைக்கும். அதிர்ஷ்ட நிறம் பொன்னிறம்.

மீனம் - மீன ராசிக்காரர்களுக்கு, குடும்ப உறுப்பினர்களுக்குள் ஏற்பட்ட வழக்கு சம்பந்தமாக சற்று விட்டுக் கொடுத்து சமாதானமாகப் போவது நல்லது. திருமணமான புதுமணத் தம்பதிகளுக்கு குழந்தை பாக்கியம் கிடைக்கும். மாணவர்களுக்கு பள்ளி, கல்லூரிகளில் அதிக முயற்சியின் பேரில் இடம் கிடைக்கும். அதிர்ஷ்ட நிறம் சிவப்பு.