Hug day.. கட்டிப்பிடிங்க.. வாழ்க்கை சந்தோஷமாகும்!
Feb 12, 2026,10:35 AM IST
- ரதி தேவி
வாழ்க்கையின்
பிடிமானம்
துணைவன் துணைவியை அணைக்கும் போது.....
பேரன்பு
குடி கொள்கிறது
துணைவியின் கருவறைச் சிசுவை அணைக்கும் போது .....
சிசுவே உணரக்கூடிய
ஓர் பேரன்பு கொண்ட நம்பிக்கை
நிறைமாத தன் துணைவியின்
கருவறை சிசுவை அணைத்து நெஞ்சம் நிறைந்து இதழ் பதிக்கும் போது.....
இவ்வுலகில் அவதரித்த மழலை காணும்
ஓர் அசராத
நம்பிக்கை
செங்கரங்கள்
இணைந்து அணைத்து
நெற்றி முகர்ந்து
முத்தமிடும் பிதாவின் முகம்......
அன்னையின் அணைத்தல்
பேரன்பு...
தன்னம்பிக்கை
பிதாவின்
அணைத்தல்..
அன்னைக்கு அன்னையாக
இருப்பது
சகோதரியின் அணைப்பில்...
தோழனுக்கு தோழனாக
ஆரத்தழுவி அணைக்கும் போது......
காதலன் காதலியை
கட்டியணைப்பது தான்
Hug day அல்ல
சமத்துவ நம்பிக்கை
தருவது
மனிதர்களுக்குள்ளேயே
ஆரத்தழுவி
கட்டியணைத்து
அன்பைப் பரிமாறுவதால்...........!