கீழ்வானம் செந்நிற ஆடை அணிய.... மலர்கள் சோம்பல்முறிக்க...!
- வே.மிதுன்ராஜ்
வெள்ளத்தால் உடைந்த பாறைகள்
மண்ணோடு மண்ணானாலும்...
ஆற்றைக் காத்ததேயன்றி பயனற்று போகவில்லை....
உடைந்தாலும் பயனுள்ளதாக இரு....
--
கீழ்வானம் செந்நிற ஆடை அணிய....
ஆதித்யன் உதித்தான்...
மலர்கள் சோம்பல்முறிக்க...
சிட்டுக்குருவிகளின் ரீங்காரத்தொடு மலர்ந்தது காலை... !
--
அதிகாலையிலும் அந்தியிலும்
ரசிக்கப்பட்ட ஆதவன்...
ஏனோ உச்சிப்பொழுதில் மட்டும் தூற்றப்படுகிறான்....
உண்மைத்தன்மை வெறுப்பதாலோ..?
--
காயாய் இருக்கும் எதுவும் விதையாக முடியாது.....
கனிகளால் மட்டுமே நல்ல விதைகள் உருவாகும்....
காயாய் இருப்பதை எண்ணி கவலை கொள்ளாமல்....
கனியாய் மாறு...
அனுபவத்தால்...!
--
மிதிவண்டியில் நாளிதழ்கள் பயணித்த காலமும்....
அம்மாவின் அதிகாலை கோலமும்....
மண்பானையில் மணந்த சாதமும்...
கதிரவனுக்கு முன் கடமையை செய்ய துவங்கிய மக்களும்....
இப்பொழுது அந்தக்காலம் என்ற புத்தகத்தில்...
--
பால் கறக்கும் ஓசையும்...
தேநீர் கொதிக்கும் வாசனையும்...
விழிப்பொலி ஆனது...!
(வே.மிதுன்ராஜ், ஆசிரியர்)