பிரியாணியுடன் கூட்டணி.. என்றும் பிரியாத கூட்டணி!!

- மல்லிகா செல்வராஜ்

கோழியிடமும் வாங்கலாம்!!

வாத்தியார்களிடமும் 

பெறலாம்!!

முன்னது சந்தோஷம்!!

பின்னது வருத்தம்!!

விட்டமின் வேண்டுவோர்!!

தட்டாமல் சாப்பிடலாம்!!

சத்துள்ள முட்டை தான்

அசைவ விருந்தில் தனி கெத்துதான்!!

அவித்தும் உண்ணலாம்!!

அரை வேக்காடும் 

ஓகேதான்!!

ஆம் லெட்டும் போடலாம்!!

புரோட்டோவுடன் 

வெளுத்து கட்டலாம்!!

பப்ஸ் ஊடேவும் 

தேடலாம்!!

போண்டாவிலும் 

தோண்டலாம்!!

பிரியாணியுடன் 

கூட்டணி! 

என்றும் 

பிரியாத கூட்டணி!!

மட்டனுடன் சேர்ந்தால் 

மட்டற்ற மகிழ்ச்சிதான்!!

(கவிஞர் மல்லிகா செல்வராஜ், தித்திக்கும் சத்தான கடலை மிட்டாய்க்குப் பெயர் பெற்ற கோவில்பட்டியில் வசிக்கும் பல்கலை வித்தகர். மல்லிகை மலர் போன்று வெள்ளை மனமும், மென்மை குணமும் கொண்ட மங்கை இவர்!! இயற்கையை நேசித்து, எழுத்துக்களை வாசித்து, நேசத்தை சுவாசித்து வாழும் நங்கை இவர்! இனிய இல்லத்தரசி! கவிதைகள் புனைவது, திரையிசைப் பாடலின் மெட்டிற்கு ஏற்ற சந்தங்கள் அமைத்துச் சொந்த வரிகளில் இசைபடிக்கும் வல்லமை பெற்றவர்!)