பயணம்
Mar 20, 2026,03:09 PM IST
- எம். பாரதி
நீரின் பயணம்
கடலை நோக்கி
கடலின் பயணம்
அலையை நோக்கி
கப்பலின் பயணம்
கலங்கரை விளக்கத்தினை நோக்கி
சூரியனின் பயணம்
விடியலை நோக்கி
சந்திரனின் பயணம்
வெளிச்சத்தை நோக்கி
பறவைகளின் பயணம் இருப்பிடம் நோக்கி
மாக்களின் பயணம்
காட்டை நோக்கி
வண்ணத்துப்
பூச்சியின் பயணம்
மலரை நோக்கி
எறும்பின் பயணம்
சேமிப்பை நோக்கி
கல்வியின் பயணம் ஒழுக்கத்தை நோக்கி
குறளின் பயணம்
வாழ்க்கை நெறியை
நோக்கி
மனிதனின் பயணம்
அன்பை நோக்கி
அழிவின் பயணம்
ஆயுதத்தை நோக்கி
ஆயுதத்தின் பயணம்
உலக அழிவை நோக்கி
பிறப்புக்கும் இறப்புக்கும்
இடையே பயணத்தில்
அன்பால் பயணிப்போம்
காந்தியின் வழியில்
பயணிப்போம்
போரை எதிர்த்து பயணிப்போம்
அமைதியை ஆதரித்து பயணிப்போம்
உலகை வெல்வோம்
(எம்.பாரதி, பட்டதாரிஆசிரியர், ஆங்கிலம், நகராட்சி மேல்நிலைப் பள்ளி, அஸ்தினாபுரம், சென்னை -64)