மனிதா நீ மட்டும் ஏன் இன்னும் களிமண்ணாய்..!

- அ.சுபாலட்சுமி

நாம் செய்யும் பணப் பரிமாற்றம் 

அதைப் பெறுபவர்களுக்கு மட்டுமே தெரிந்த காலம் மாறி 

இன்று பக்கத்தில் உள்ள அனைவருக்கும் கேட்கும் படி கூவுகிறது

- கைபேசி வழி பணப்பரிமாற்றத்தின் முறை

--

குயவன் பத்து முறை சுற்றும் போது, 

அதில் இருந்த களிமண் பானை ஆகிறது. 

ஆனால் உலகம் பல முறை  சுற்றியும் 

மனிதா நீ மட்டும் ஏன் இன்னும் களிமண்ணாய்.....!

--

மனிதா,

நீ பிறக்கும் போதும் தனிமை தான்;

இறக்கும் போதும் தனிமை தான்,

இடையில் எதற்குத் துணை?

நீயே  உனக்குத் துணை.

--

பிறந்தநாள்:

ஒவ்வொரு வருடப் பிறந்தநாள் அன்றும் நினைக்க வேண்டியவை:

ஆன்மா பழையது, 

அதைப் பாதுகாக்கும் உடல் பழையது,

பிறகு உடலைப் பாதுகாக்கும் உடை மட்டும் ஏன் 

புதிதாய் இருக்க வேண்டி ஆசைப் படுகிறது இந்த மனம்?

(அ.சுபாலட்சுமி M.Sc,M.Ed, ஆசிரியர். பொழுதுபோக்கு: ஓவியம் வரைதல், கைவினை பொருட்கள் செய்தல்)