திரிபுரம் எரித்த திருவிளையாடல்.. அருள்மிகு திருவதிகை வீரட்டேஸ்வரர் திருக்கோயில்!

- கா.சா.ஷர்மிளா

தமிழகத்தின் புகழ்பெற்ற சிவத்தலங்களில் ஒன்றாக விளங்குவது கடலூர் மாவட்டம், பண்ருட்டி அருகிலுள்ள திருவதிகை அருள்மிகு வீரட்டேஸ்வரர் திருக்கோயில். 

இத்தலம் சிவபெருமானின் வீரச்செயல்களில் ஒன்றான திரிபுரம் எரித்த திருவிளையாடலுடன் தொடர்புடையது.

இக்கோயில் தேவாரப் பாடல் பெற்ற திருத்தலமாகவும், அட்ட வீரட்டானத் தலங்களில் ஒன்றாகவும் போற்றப்படுகிறது. பழமையான சைவ மரபும், வரலாற்றுச் சிறப்பும், ஆன்மீகப் பெருமையும் ஒருங்கே அமைந்த திருத்தலமாகும்.

திரிபுரம் எனப்படும் மூன்று அசுரர்களின் கோட்டைகளை அழித்து தேவர்களைக் காத்தருளிய சிவபெருமான் இத்தலத்தில் வீரட்டேஸ்வரராக அருள்பாலிக்கிறார்.

மூன்று புரங்களையும் அழித்த திரிபுராந்தக மூர்த்தியின் திருக்கோலத்துடன் இத்தலம் தொடர்புடையது. இதனால் இத்தலம் திரிபுர சம்ஹாரத் தலம் என்றும் சிறப்பிக்கப்படுகிறது. இறைவனின் வீரச்செயல் நிகழ்ந்த எட்டு முக்கியத் தலங்கள் அட்ட வீரட்டானங்கள் என அழைக்கப்படுகின்றன. அவற்றில் திருவதிகையும் ஒன்றாகும்.

மூலவர் மற்றும் அம்பாள்:

மூலவர்: அருள்மிகு வீரட்டேஸ்வரர்

சிவபெருமான் சுயம்பு மூர்த்தியாக லிங்கத் திருமேனியில் அருள்பாலிக்கிறார். பக்தர்கள் இவரை வழிபட்டு மன அமைதியும் நலமும் வேண்டுகின்றனர்.

அம்பாள்: அருள்மிகு திரிபுரசுந்தரி அம்மன்

அன்னை திரிபுரசுந்தரி பக்தர்களுக்கு அருளும் அன்பும் வழங்கும் கருணை வடிவமாகத் திகழ்கிறார்.

தேவாரப் பெருமை:

திருநாவுக்கரசர் (அப்பர்) பெருமான் இத்தலத்துடன் தொடர்புடையவர். சமண சமயத்திலிருந்து சைவ சமயத்திற்குத் திரும்பிய பின்னர், இத்தலத்தில் இறைவனைப் போற்றி உழவாரப்பணி செய்ததாகத் தல வரலாறு கூறுகிறது.

திருஞானசம்பந்தர் நாயன்மார்கள் உள்ளிட்ட சைவ சித்தாந்த தலமாக விளங்குகிறது

(கா.சா.ஷர்மிளா, ஆசிரியர், புவனகிரி, கடலூர் மாவட்டம்.  வீரத்தமிழரசி வேலுநாச்சியார் இலக்கிய சமூக இயக்கம்- புதுவை, கடலூர் மாவட்ட பொறுப்பாளர்)