அழகிய நினைவுகள்!

- டிலாணி ஸ்ரீதரன்

வெயிலில் தொடரும் நிழல் போல,

உயிரில் உன்னை கோர்த்தேன் முத்துப் போல, 

சில்லறையில் சிதறும் ஒலி போல , 

சிரிப்பில் உதிர மகிழ்வை சேர்த்தேன்

மலர்கள் போல, 

மழையில் துளிர்க்கும் மரங்கள் போல,

மனதில் சுமந்தேன் உன்னை

இதமான இசையைப் போல,

தென்றலில் வெட்கப்படும் நாணல் போல,

சுவாசத்தில் இதயத்தை வருடினேன் பீலி போல,

கருவறையில் ஈன்ற பிள்ளை போல, 

காதலில் வென்றெடுத்தேன் உன்னை கணவனாக!