இது காதலா?
Aug 21, 2026,02:37 PM IST
- டிலாணி ஸ்ரீதரன்
வார்த்தைகளும் வறண்டு போகும் நாவில்!
வலிகளும் நீங்காமல் இடம் பிடிக்கும் நெஞ்சத்தில்!
கைகள் இணைந்து பிரிய மறுக்கும் கனவில்!
கண்ணீர் துளிகள் மார்பை நனைக்கும் இரவில்!
தீயற்றே மெழுகாய் உருகும் தேகமும் கவலையில்!
நோயற்றே வைத்தியமும் தேடும்
மௌனத்தின் பிடியில்!
தொலைந்த கதையாய் காதல் ஊசலாடும் பிரிவில்!
நினைவுகள் எரியும் விளக்காய் வதைக்கும் உள்ளத்தில்!
புன்னகைக்க மறுக்கும் ஏக்கத்தில்!
விதியின்றி உயிர் துறப்பேன் உனைசேர மீண்டுமொரு பிறப்பில்!