முதல்வர் ரிவ்யூ கூட்டம் நடத்தவில்லை; Reels தான் எடுத்துள்ளார்! - மு.க.ஸ்டாலின் கடும் தாக்கு

சென்னை : தமிழகத்தில் மின்சாரத் துறை அமைச்சர் கலந்து கொண்ட விழாவில் அமைச்சர் மேடையில் அமர்ந்து இருந்த போதே திடீரென மின்வெட்டு ஏற்பட்டது பெரும் பரபரப்பை ஏற்படுத்தியுள்ளது. இந்தச் சம்பவத்தைக் கடுமையாகச் சாடி, திமுக தலைவர் மு.க.ஸ்டாலின் தனது எக்ஸ் தளப் பக்கத்தில் வெளியிட்டுள்ள பதிவு அரசியல் களத்தில் சூட்டைப் கிளப்பியுள்ளது.   

அமைச்சர்களுக்கே இந்த நிலையா?

மதுரையில் சமீபத்தில் நடைபெற்ற சட்டக் கல்லூரி பட்டமளிப்பு விழாவில் அமைச்சர் நிர்மல் குமார் சிறப்பு விருந்தினராக கலந்து கொண்டார். கலந்து கொண்டிருந்த வேளையில், எதிர்பாராத விதமாக மின்தடை ஏற்பட்டது. இது குறித்து விமர்சித்துள்ள மு.க.ஸ்டாலின், "தமிழகத்தில் தமிழக வெற்றிக் கழகத்தின் (தவெக) ஆட்சியில், நிகழ்ச்சியில் பங்கேற்கும் அமைச்சர்களுக்கே இந்த நிலைமை என்றால், சாதாரண சாமானிய மக்களின் கதி என்ன என்பதைச் சொல்லித் தெரியவேண்டியதில்லை" எனக் காட்டமாகத் தெரிவித்துள்ளார்.   

'Review செய்யவில்லை... Reels-தான் எடுத்திருக்கிறார்!

'இரண்டு நாட்களுக்கு முன்பு மின்வாரியத் தலைமையகத்திற்கு நேரில் சென்ற தவெக தலைவர் விஜய்யின் நடவடிக்கையையும் முதல்வர் கடுமையாக விமர்சித்துள்ளார். "இரண்டு நாட்களுக்கு முன் மின்வாரியத் தலைமையகத்தில் ஆய்வு (Review) செய்யாமல், சமூக வலைதளங்களுக்காக Reels மட்டுமே எடுத்துவிட்டு வந்திருக்கிறார் போல" என்று குறிப்பிட்டுள்ளார். மின்வாரியத்தில் உரிய பராமரிப்பு மற்றும் மேலாண்மைப் பணிகளை மேற்கொள்ளாமல், விளம்பர நடவடிக்கைகளில் மட்டுமே கவனம் செலுத்துவதால் தான் மாநிலம் முழுவதும் இதுபோன்ற மின்தடைகள் ஏற்படுவதாகக் குற்றம்சாட்டியுள்ளார். 

சமூக வலைதளங்களில் வைரலாகும் பதிவு: 

அரசின் நிர்வாகச் சீர்கேட்டையும் மின்வாரியத்தின் குளறுபடிகளையும் வெளிச்சம் போட்டுக் காட்டும் வகையில் அமைந்துள்ள திமுக தலைவரின் இந்த அறிக்கை, தவெக அரசுக்கு எதிரானப் பெரும் கண்டனக் குரலாக உருவெடுத்துள்ளது. இச்சம்பவம் குறித்து எதிர்க்கட்சிகளும் பொதுமக்களும் மின்சாரத் துறையின் செயல்பாடுகள் மீது தீவிரக் கேள்விகளை எழுப்பி வருகின்றனர்.   மின்வாரியத் தலைமையகத்தில் நடத்தப்படும் ஆய்வுகள் வெறும் விளம்பர நிகழ்ச்சியாக சுருங்கிவிடக் கூடாது என்றும், சாமானிய மக்களுக்குத் தடையற்ற மின்சாரம் கிடைப்பதை அரசு உடனடியாக உறுதி செய்ய வேண்டும் என்றும் பொதுமக்கள் மற்றும் அரசியல் விமர்சகர்கள் கோரிக்கை விடுத்து வருகின்றனர்.