ரவா இட்லி செய்யலாமா?

- எஸ். சுமதி

வெறும் இட்லியே சாப்பிட்டுப் போரடிச்சிருச்சா.. கவலையே படாதீங்க.. ரவா இட்லி சாப்பிட்டுப் பாருங்க.. சூப்பரா இருக்கும். வாங்க பார்க்கலாம்.

தேவையான பொருட்கள்

ரவா - 1 டம்ளர் 

தயிர் - 1/2 லி 

கேரட் - 2

ப. மிளகாய் - 3

இஞ்சி சிறிய துண்டு

உப்பு தேவையான அளவு

சமையல் சோடா ஒரு சிட்டிகை

கடுகு தாளிக்க

செய்முறை :

ரவாவை வெறும் வாணலியில் வாசனை வரும் வரை வறுத்துக் கொள்ளவும். ப.மிளகாய் மற்றும் இஞ்சி பொடியாக நறுக்கி கொள்ளவும். கேரட்டை துருவி எடுத்துக் கொள்ளவும். அடுப்பில் வாணலி வைத்து, எண்ணெய் ஊற்றி கடுகு தாளித்து, இஞ்சி, ப.மிளகாய், துருவிய கேரட் சேர்த்து வதக்கி, ஆறியவுடன் வறுத்த ரவா சேர்க்கவும். 

தயிர் நன்கு நீர் ஊற்றாமல் கடைந்து எடுத்து, ரவா கலவையில் கொஞ்சம் கொஞ்சமாக ஊற்றி உப்பு மற்றும் சமையல் சோடா சேர்ந்து கட்டிகள் இல்லாமல் இட்லி மாவு பதத்திற்கு கலந்து கொள்ளவும். பத்து நிமிடங்கள் மூடி வைத்துவிட்டு, இட்லி தட்டில் எண்ணெய் தடவி இட்லி வார்த்து வேக வைத்து எடுக்கவும். சுவையான ரவா இட்லி ரெடி. இதற்கு கார சட்னி பொருத்தமாக இருக்கும்.

(ச. சுமதி, ஆங்கிலப் பட்டதாரி ஆசிரியர் , ஶ்ரீ KGS மேல்நிலைப் பள்ளி , ஆடுதுறை , தஞ்சை மாவட்டம்)