என் வலிமை!

- வே.ஜெயந்தி

என் வலிமை

எடைகளைத் தூக்கும் கைகளில் இல்லை,

தோல்விக்குப் பின்

மீண்டும் எழுந்த

என் மனதில்தான் பிறந்தது.

என் வலிமை

மனச்சாட்சியின் ஆழத்தில் உறைகிறது,

அதுவே எனக்கு

நம்பிக்கையுடன்

நேராக நடக்க வழிகாட்டுகிறது.

“உன் வலிமை என்ன?” என்று

யாராவது கேட்டால்,

நான் அமைதியாகச் சொல்வேன் 

வாழ்க்கை சோதித்தபோதெல்லாம்

நான் எழுந்து நிற்கக் கற்றுக்கொண்டேன்.

ஏற்றத் தாழ்வுகளோடு பயணிக்கத் தெரியும்,

துயரத்தையும் மகிழ்ச்சியையும்

சமநிலைப்படுத்தத் தெரியும்.

நான் ஒருபோதும் கைவிட மாட்டேன் 

ஏனெனில்

என் வலிமை

நானே.

(About the Author: V. JAYANTHI , Graduate teacher, Chengalpattu district)