மதுரை கிழவியை பெருமை செய்ய மண்ணை சுமந்தாய்!

- பா. பானுமதி

பெண்மையை சிறப்பு செய்ய 

பெண்ணை சுமந்தாய்

மதுரை கிழவியை பெருமை செய்ய மண்ணை சுமந்தாய்

விஸ்வரூபம் தரிசனம் காட்ட 

விண்ணை சுமந்தாய்

நானிலம் அருமை செய்ய நடராஜனாய்

நாட்டியம் சுமந்தாய்

இசையில் இளமை சொல்ல உடுக்கை

பண் சுமந்தாய்

பாடல்கள் நயம் பாராட்ட எண் சுமந்தாய்

அக்னியை பெருமை

படுத்த நெற்றி 

கண் சுமந்தாய்

நடமாடி சதி சொல்ல தோளில் 

பூண் சுமந்தாய்

இன்னும் எத்தனை சுமப்பாய் இறைவா...

என்னையும் சேர்த்து சுமக்கும் தலைவா 

பணிந்தேன் நின் பாதம் 

ஓம் நமசிவாய

(பா. பானுமதி, ஆசிரியர், கவிஞர், மதுரையைச் சேர்ந்தவர்)