ஏகாந்தம்.. அழகிய முழு நிலவொளியில் ஆனந்த ராகம் பாடி!

- செ.சாந்தி சின்னத்தம்பி, மதுரை

எத்தனை விதத் தனிமை இவ்வுலகில் தான் ....

அழகிய முழு

நிலவொளியில் 

ஆனந்த ராகம் பாடி

அன்றாடப் பிழைப்புக்கு வாய்ப்பு தேடி அல்லாடும் வறியவர் தனிமை...

இயற்கையில் மனம் கரைந்து   

கற்பனை வரிகளோடு கவித்துவம் படைக்கும் 

கவிஞனின் தனிமை ...

மாலை நேர மாருதத்தை மகிழ்ச்சியோடு ரசித்து

இலைகளில் நின்றாடும் குயில்களின் தனிமை ...

காலை நேர மழையோடு கையில் தேநீர்க் கோப்பையோடு 

ரசித்து ருசிக்கும் மங்கையின் தனிமை ...

தொலைதூரப் பயணங்களில் தொலையாத இசையில் மூழ்கியே போகும் மனிதனின் தனிமை ...

வேலையின்றி வாட்டமுற்று வேளை வரும் எனக் காத்திருக்கும் இளையோரின் தனிமை.... 

தன்னவள் தனை மறந்தாலென தடுமாறும் காதலனின் தனிமை....

வயதான காலத்தில் காப்பில்லாக் கவலையில் முதியோரின் தனிமை...

எத்தனை? எத்தனை? தனிமையின் ரகம்தான் எத்தனை?

நானும் நீயின்றிக் காலத்தின் கோலத்தில் எழுதுகிறேன் தனிமைக் கவிதை..

(செ.சாந்தி சின்னத்தம்பி, அரசுப் பள்ளி தமிழாசிரியர் (ஓய்வு) மதுரை. சேலம் , பாரதியார் கல்வியியல் கல்லூரி விரிவுரையாளர் பணிபுரிந்துள்ளேன். (2 ஆண்டுகள்) ஆர்வம்: கவிதை, இசை,பாடல், நாடகம் புனைதல். வெளியிட்ட கவிதை நூல்கள்: 2. 1. விழி மூடி யோசித்தால் 2. மௌனமும் பழகிடு. தொகுப்பு நூல்கள். 4.  சென்னையில் நடந்த நேரடி கவிதை போட்டியில் கலந்து கொண்டு முதல் பரிசு பெற்றது பெருமை)