பனிப்பொழிவு!

- குமரேஸ்வரி.சி

பனித்துளிகள் வானிலிருந்து விழுகின்றன,

சொல்லாமல் சொல்லும் மொழிபோல்.

உலகம் மெல்ல மௌனம் போர்த்தி,

தன்னைத் தானே கேட்கிறது.

மண் வெம்மையைத் தாங்கிக் கொள்கிறது,

மறைந்த காயங்களை மூடுவது போல.

மரங்கள் அமைதியைப் பிடித்துக்கொண்டு,

சொற்களை தரையில் விட்டுவிடுகின்றன.

காற்று மெதுவாகச் செல்லும்,

எதையும் குலைக்கக் கூடாதென்று.

பறவைகள் அருகில் சுருங்கி,

குளிரில் கனவுகளை மறைக்கின்றன.

வீடுகளின் கூரைகளில் பனி தங்க,

நேரம் சற்றே நிற்கிறது.

பாதச்சுவடுகள் கூட,

பனியில் கரைந்து விடுகின்றன.

அந்த அமைதியின் நடுவே,

மனித மனம் சுவாசிக்கிறது.

பனிப்பொழிவு சொல்லும் உண்மை —

அமைதியும் கவிதைதான்.

(கவிஞர் குமரேஸ்வரி சி, பட்டதாரி ஆசிரியர், வி கே அரசு மேல்நிலைப்பள்ளி, அய்யன்காளிபாளையம், திருப்பூர்)