மகளிரைப் போற்றுவோம்

- சுதா திருநாராயணன்

மங்கை இனம் மடமை இனம் அல்ல,

ஆரணங்கின் அன்பை அறிவீர்,

இனியவள்தான், ஈரமுடையவள்தான், 

ஆயினும் இன்னல்களை தீரமுடன் எதிர்ப்பாள்,

வேண்டாம் இனி வனிதைகளை வதைப்பது,

வஞ்சியைப் போற்ற போற்ற

செல்வங்கள் வற்றாது

வீடும் நாடும் உயர்வுறுமே.

கல்லாமையினால் காரிகையர்

பின்தங்கிடுவர்.

ஆகையினால்

வியப்பூட்டும் சாதனைகளை

விண்கலம் ஏறி

பெண்குலம் புரிய

தக்க கல்வி பெற்றிடுவீர் பூவையரே!!!

சந்திரனிலும் ஏறி சாகசங்கள் செய்வாள் இவள்......

தையல் நல்லாள் இவள்,

சிக்கனமாய் செலவழிக்கும் சுந்தரி இவள் ,

மணாளணுக்கேற்ற மங்கை இவள்,

செல்வத் திருமகள் இவள்,

எதையும் இல்லையென்னாத இல்லாள் இவள்.

போற்றுவோம் நாமும் பெண் எனும் தெய்வத்தை.

(சுதா திருநாராயணன், கேலக்ஸி பப்ளிகேஷன்ஸ், அனிச்சம் மின்னிதழ், மங்கையர் மலர், கல்கி, அன்னை ஸ்வர்ணாம்பாள் நினைவு சிறுகதை போட்டி ஆகியவை நடத்திய போட்டிகளில்  பரிசு பெற்றவர்.  தி ஹிந்து லிட் ஃபார் லைஃப் நடத்திய சிறுகதை போட்டியில் 1200 சிறுகதைகளில்  தேர்ந்தெடுக்கப்பட்ட 10 சிறுகதைகளில் இவருடையதும் ஒன்று. பல சமையல் குறிப்புகள் மற்றும் துணுக்குகள் எழுதியுள்ளார்)