குடைக்குள் மழை

முத்தமிழரசி சிவரூபன் சர்வேஸ்வரி

அன்பெனும் குடைக்குள் 

அகப்பட்ட உறவுகள் பாராய்

பண்பெனும் பாசத்துள் 

பகிரும் காதலின்பம் கோடி

வண்ணமலர் தோட்டத்தில் 

வகையான பூக்களின் நறுமணம்போல்

எண்ணங்கள் விரிந்தாட 

ஏற்றங்கள் இசைந்தது கூடியே

காலமே தாலாட்ட 

குடும்பமெனும் கூட்டுக்குள் விளையாட

சீலமே தான்மிளிர 

சிந்தையே வசமாகி நின்றதுவே

வேடமே இல்லாத 

விழுமியம் தளைத்து ஓங்கிடவே

தர்மத்தின் வாசலிலே திகழும் 

சித்திரங்களை என்சொல்வேன்

(முத்தமிழரசி சிவரூபன் சர்வேஸ்வரி இலங்கையைச் சேர்ந்தவர். தமிழ் இசை இலக்கிய ஆர்வலர்,  சமூக சேவகர், மக்கள் நலம் விரும்பி, சமூக சிந்தனையாளர்)