விண்ணாய்ப் பரந்தும் விரிந்தே இருப்பவள்

- கவிஞர் வ.கமலா

விண்ணாய்ப் பரந்தும் விரிந்தே இருப்பவள்

மண்ணில் அழகாய் மணப்பவள் - பெண்ணே

முகிலாய் பரவியே முத்தென நிற்கும்

அகிலமே போற்றிடும் அன்னை - முகிழ்தல்

திறத்தால் படித்தலில் திண்மையும் உண்மை

உறவினால் தோன்றி உதவும் - சிறகாய்

இயக்கிடும் செய்கை இறையென நின்றே

மயக்கும் விழியிலே மாண்பை - தயக்கமே

இன்றியே தந்திடல் இன்முகம் தன்னிலே

புன்னகை மிஞ்சும் புரட்சியும் - என்றும்

அயரா உழைப்பும் அணைக்கும் உறவாய்

இயல்பாய் இருந்தே இனிக்கும் - சுயநலம் 

கொள்ளா உறவையும்  கொண்டு.

(கவிஞர் வ.கமலா, B.sc, M.A., M.com, M.Ed., M.phil. ஓய்வு பெற்றஆசிரியர். மூன்று நூல்கள் எழுதியுள்ளேன். ஆய்வுக் கட்டுரைகள், கவிதைகள் எழுதி வருகிறேன்)