அனைவருக்கும் வாழ்த்துக்கள்.. அயோத்திக்கு வாருங்கள்.. பிரதமர் மோடி

பால ராமர் பிரதிஷ்டை முடிந்த நிலையில், பிரதமர் நரேந்திர மோடி கூடியிருந்த கூட்டத்தினர் மத்தியில் பேசினார். அப்போது, அயோத்திக்கு வருகை தந்த பக்தர்கள் மற்றும் யோகிகளை வரவேற்கிறேன். இந்த அற்புதமான நாளில் இந்தியர்கள் அனைவருக்கும் வாழ்த்துக்களை தெரிவித்துக் கொள்கிறேன். துறவிகள், பக்தர்கள் அயோத்திக்கு வருகை தர வேண்டும் என்று அழைப்பு விடுத்தார்.

நெடுஞ்சாண்கிடையாக விழுந்து வணங்கிய பிரதமர் மோடி

புதிதாக திறக்கப்பட்ட ராமர் சிலையை  தரையில் விழுந்து நெடுஞ்சாண் கிடையாக வணங்கினார் பிரதமர் நரேந்திர மோடி.

ஜொலி ஜொலிக்கும் பால ராமர்

நகைகளால் அலங்கரிக்கப்பட்டு  கையில் வில் அம்பு உடன் தங்க வண்ண ஆடையில் பால ராமர் ஜொலிக்கிறார். புதிய ராமர் சிலையின் முன்பு மனமுருகப் பிரார்த்தனையில் ஈடுபட்டார் பிரதமர் மோடி. சிலை திறப்பையடுத்து அயோத்தி ராமர் கோவில் மீது ஹெலிகாப்டர் மூலம் மலர் துவப்பட்டது.

51 அங்குல ராமர் சிலை

புதிய பால  ராமர் சிலையின் கண்களில் இருந்த மஞ்சள் துணி அகற்றப்பட்டு, ராமர் சிலையின் பாதங்களில் தாமரை மலர் வைத்து பிரதமர் பூஜை செய்தார். 51 அங்குல புதிய ராமர் சிலை பிரதிஷ்ட செய்யப்பட்டது.

புன்னகை பூத்த ராமர் சிலை

புன்னகை பூத்தவாறு காணப்படும் ராமர் சிலைக்கு பிரதமர் நரேந்திர மோடி உள்ளிட்டோர் பூஜை செய்கின்றனர்.

ராமர் கோவிலில் பிரான பிரதிஷ்டை நடைபெற்றது

அயோத்தி ராமர் கோவிலில் நிறுவப்பட்டுள்ள பால ராமர் சிலை பிரதிஷ்டை கோலாகலமாக நடைபெற்றது. பிரதமர் நரேந்திர மோடி உள்ளிட்டோர் சிறப்பு பூஜையில் கலந்து கொண்டனர். எழில்மிகு ராமர் சிலை வெளி உலகுக்கு காண்பிப்பு. முதல் பூஜையை பிரதமர் நரேந்திர மோடி செய்தார்.

கருவறையில் அமர்ந்து பிரதமர் நரேந்திர மோடி பூஜை

கருவறையில், ராமர் சிலை முன்பாக அமர்ந்து பிரதமர் நரேந்திர மோடி பூஜை செய்கிறார். இதில் ஆர்எஸ்எஸ் தலைவர் மோகன் பகவத், உ.பி. ஆளுநர் ஆனந்தி பென் படேல், உ.பி. முதல்வர் யோகி ஆதித்யநாத் உள்ளிட்டோர் பங்கேற்பு.

பிரதமர் மோடியுடன் ஆர்எஸ்எஸ் தலைவர் மோகன் பகவத்

சிறப்பு பூஜையில் பங்கேற்கும் பிரதமர் நரேந்திர மோடியுடன் ஆர்எஸ்எஸ் தலைவர் மோகன் பகவத்தும் உடன் இருக்கிறார். நெற்றியில் திலகம் இட்டு, தீர்த்தம் அருந்தி, சிறப்பு பூஜையில் பங்கேற்று வருகிறார் பிரதமர் நரேந்திர மோடி. இன்னும் சிறிது நேரத்தில் ராமர் சிலை பிரதிஷ்டை தொடங்க உள்ளது.

திறப்பு விழா பூஜைகள் தொடங்கின.. பிரதமர் மோடி பங்கேற்பு

அயோத்தி ராமர் கோவில் திறப்பு விழாவின் முக்கிய அம்சமான பிரான் பிரதிஷ்டைக்கான சிறப்பு பூஜைகள் தொடங்கியுள்ளன. பிரதமர் நரேந்திர மோடி பூஜையில் கலந்து கொண்டுள்ளார்.

ராமர் கோவிலில் ரஜினிகாந்த்

அயோத்தி ராமர் கோவில் திறப்பு விழாவுக்கு வருகை தந்துள்ள நடிகர் ரஜினிகாந்த் விஐபிக்கள் வரிசையில் அமர்ந்து விழாவைக் கண்டு ரசித்து வருகிறார்.

{{val.headLine}}