ஜப்பான் அணு உலைகளுக்குப் பாதிப்பு இல்லை

ஜப்பானில் ஏற்பட்டு வரும் தொடர் நிலநடுக்கங்கள் மற்றும் சுனாமி அலைத் தாக்குதலால் அங்குள்ள அணு மின் நிலையங்களுக்கும், அணு உலைகளுக்கும் பாதிப்பு ஏற்படவில்லை என்று தெரிவிக்கப்பட்டுள்ளது.  இருப்பினும் அணு மின்நிலைய வளாகங்களில் அபாயகரமான வகையில் இல்லாத சிறிய அளவிலான சேதங்கள் ஏற்பட்டிருப்பதாக தெரிவிக்கப்பட்டுள்ளது.

ரஷ்யாவிலும் சுனாமி எச்சரிக்கை

ஜப்பான் சுனாமி அலைத் தாக்குதலைத் தொடர்ந்து தற்போது ரஷ்யா மற்றும் வட கொரியாவிலும் சுனாமி எச்சரிக்கை விடுக்கப்பட்டிருக்கிறது. இதையடுத்து அங்குள்ள கடலோரப் பகுதிகளில் மக்கள் பாதுகாப்பான இடங்களுக்கு அப்புறப்படுத்தப்பட்டுள்ளனர்.

இந்தியர்களுக்கு உதவி எண்கள் அறிவிப்பு

ஜப்பானில் நிலநடுக்கம் மற்றும் சுனாமி அலைத் தாக்குதலைத் தொடர்ந்து அங்கு வசிக்கும் இந்தியர்களுக்கு உதவுவதற்கு அவசர கால எண்களையும், இமெயில் முகவரியையும் ஜப்பானில் உள்ள இந்திய தூதரகம் அறிவித்துள்ளது.

வஜிமா துறைமுகத்தைத் தாக்கிய சுனாமி

இஷிகாவா பிராந்தியத்தில் உள்ள வஜிமா துறைமுகப் பகுதியில் 1.2 மீட்டர் உயரத்திலான சுனாமி அலைகள் தாக்கி வருவதாக தகவல்கள் வெளியாகியுள்ளன. அதேபோல டோயாமா நகரிலும் சுனாமி அலைகள் தாக்கி வருகின்றன என்று தகவல்கள் தெரிவிக்கின்றன.

ஜப்பானைத் தாக்கிய சிறிய சுனாமி அலைகள்

ஜப்பானில் கடும் நிலநடுக்கம் ஏற்பட்ட நிலையில், சுனாமி எச்சரிக்கை விடுக்கப்பட்டிருந்த நிலையில் தற்போது அங்கு பல்வேறு கடலோரப் பகுதிகளில் 1 முதல் 5 மீட்டர் உயரத்தில் சுனாமி அலைகள் கடற்கரைகளைத் தாக்கி வருவதாக தகவல்கள் வெளியாகியுள்ளன. பாதிப்பு விவரம் குறித்து தெரியவில்லை. 

கிடுகிடுவென ஆடிய மின் கம்பங்கள்

ஜப்பானை உலுக்கிய பலத்த நிலநடுக்கத்தின்போது  எடுக்கப்பட்ட வீடியோ காட்சிகள் அதிர வைப்பதாக உள்ளது. பல்வேறு கட்டடங்களும் இந்த நிலநடுக்கத்தின்போது ஆட்டம் கண்டுள்ளன. சேத விவரங்கள் தெரியவில்லை.

ஜப்பானில் கடும் நிலநடுக்கம்

{{val.headLine}}