2026 தேர்தலில் போட்டியிட விஜய் திட்டம்?... தீயாய் பரவும் தகவல்

Jun 09, 2023,02:39 PM IST

சென்னை : தமிழகத்தில் 2026 ம் ஆண்டு நடைபெற உள்ள சட்டசபை தேர்தலில் போட்டியிட நடிகர் விஜய் முடிவு செய்திருப்பதாக தகவல் ஒன்று வேகமாக பரவி வருகிறது.

நடிகர் ரஜினிக்கு பிறகு தமிழ் சினிமாவிலும் சரி, தமிழக அரசியலிலும் சரி ரசிகர்களால் அதிகம் எதிர்பார்க்கப்பட்டு, பரபரப்பை கிளப்பியவர் நடிகர் விஜய். இவர் அரசியலுக்கு வரும் எண்ணத்தில் 2009 ம் ஆண்டு தளபதி விஜய் மக்கள் இயக்கம் என்ற அமைப்பை துவக்கினார் விஜய். இந்த அமைப்பின் மூலம் சமூக நல உதவிகள் உள்ளிட்ட பணிகளை செய்து வந்தனர்.

இதற்கிடையில் கடந்த ஆண்டு நடைபெற்ற உள்ளாட்சி தேர்தலில் விஜய்யின் மக்கள் இயக்கத்தை சேர்ந்த பலர் போட்டியிட்டு குறிப்பிட்ட சில இடங்களை கைப்பற்றி அனைவரையும் திரும்பி பார்க்க வைத்தனர். இதனால் விஜய் எப்போது அரசியலுக்கு வருவார் என்ற எதிர்பார்ப்பு ரசிகர்களிடம் அதிகரிக்க துவங்கியது. சமீபத்தில் தமிழகத்தில் பத்தாம் வகுப்பு மற்றும் ப்ளஸ் டூ தேர்வில் அதிக மார்க் வாங்கிய மாணவர்களை விஜய் சந்தித்து பேசிய போதும் அவர் அரசியலுக்கு வருவதற்கான முன்னோட்டம் தான் இது என பேசப்பட்டது.

கடந்த 30 வருடங்களுக்கு மேலாக தமிழ் சினிமாவில் டாப் ஹீரோக்களில் ஒருவராக இருந்து வரும் விஜய் கடைசியாக வாரிசு படத்தில் நடித்தார். தற்போது லோகேஷ் கனகராஜ் இயக்கும் லியோ படத்தில் நடித்து வருகிறார். லியோ படத்தை முடித்த கையோடு அடுத்ததாக தளபதி 68 படத்தில் நடிக்க தயாராகி வருகிறார் விஜய். விஜய் தனது தளபதி 70 படத்துடன் சினிமாவில் இருந்து விலக போவதாகவும் சமீப நாட்களாக ஒரு பேச்சும் கோலிவுட்டில் அடிபடுகிறது.

இந்நிலையில் விஜய் அரசியலில் என்ட்ரி கொடுப்பதற்கான திராவிட கட்சிகளின் கொள்கைகள், அரசியல் ஆய்வாளர்கள் ஆகியோருடன் விஜய் ஆலோசனை நடத்தி வருகிறார். அதோடு 234 தொகுதிகளிலும் சர்வே நடத்தி, தனது அரசியல் செல்வாக்கு குறித்து சர்வேக்களையும் விஜய்யின் மக்கள் இயக்கம் நடத்தி வருவதாக விஜய்க்கு நெருங்கிய வட்டாரங்கள் தெரிவித்து வருகின்றன.

2021 ம் ஆண்டு தேர்தலிலேயே விஜய் போட்டியிடுவதாக இருந்தது. ஆனால் அந்த சமயத்தில் தேர்தல் களத்தில் ரஜினி, அரசியலுக்கு வருவதில் தீவிரம் காட்டி வந்ததால், தான் அரசியலுக்கு வருவதற்கு இது சரியான நேரமாக இருக்காது என விஜய் அமைதியாக இருந்து விட்டதாக சொல்லப்படுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!

கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்

2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க

விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்

தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்

அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு

ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?

தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி

12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?