"பந்தயம் என்பது நடிப்பு அல்ல": அஜித் குமாரின் கார் பந்தய ஆவணப்படம் வெளியீடு

Dec 30, 2025,08:50 PM IST

சென்னை : திரைப்படத் துறையில் உச்ச நட்சத்திரமாக விளங்கும் அஜித்குமார், தனது மற்றொரு விருப்பமான கார் பந்தயத்தில் (Motor Racing) மீண்டும் தீவிரமாக இறங்கியுள்ளார்.

மலேசியாவில் நடைபெற்ற புகழ்பெற்ற 'மிச்சலின் 12H' (Michelin 12H) கார் பந்தயத்தில் அஜித்குமார் மற்றும் அவரது குழுவினர் பங்கேற்றனர். இந்த வரலாற்றுச் சிறப்புமிக்க பயணம் தற்போது "Racing Isn't Acting" என்ற பெயரில் ஆவணப்படமாகத் தயாராகி வெளியாகியுள்ளது.

மலேசியாவில் நடைபெற்ற மிச்சலின் 12 மணிநேர கார் பந்தயத்தில் (Michelin 12H Sepang) அஜித்குமார் மற்றும் அவரது பந்தயக் குழுவினர் பங்கேற்ற நிகழ்வுகளை இந்த ஆவணப்படம் பதிவு செய்துள்ளது. இந்த ஆவணப்படத்தை பிரபல இயக்குனர் ஏ.எல்.விஜய் இயக்கியுள்ளார். இதற்கு ஜி.வி. பிரகாஷ் குமார் இசையமைத்துள்ளார்.

நீண்ட இடைவேளைக்குப் பிறகு நடிகர் அஜித்குமாருடன் (AK) மீண்டும் இணைந்தது மிகுந்த மகிழ்ச்சி அளிப்பதாக இசையமைப்பாளர் ஜி.வி. பிரகாஷ் தனது சமூக வலைதள பக்கங்களில் உற்சாகமாகத் தெரிவித்துள்ளார்.அஜித்தின் 'கிரீடம்' படத்திற்குப் பிறகு நீண்ட இடைவெளி கழித்து, ஜி.வி. பிரகாஷ் குமார் இந்த ஆவணப்படத்திற்கு இசையமைத்துள்ளார்.

திரையில் பார்ப்பதை விட, நிஜ வாழ்க்கையில் ஒரு பந்தய வீரராக அஜித் எதிர்கொள்ளும் சவால்கள், அர்ப்பணிப்பு மற்றும் அந்த வேகமான சூழலை ரசிகர்களுக்கு தெரிய வைப்பதே இந்த ஆவணப்படத்தின் நோக்கம் என்பதை "Racing Isn't Acting" என்ற தலைப்பு உணர்த்துகிறது. அஜித்குமார் நடிப்பில் உருவாகியுள்ள ஏகே 46 படத்தின் அடுத்த அப்டேட்டிற்காக ரசிகர்கள் காத்திருக்கும் வேளையில், அவரது நிஜ வாழ்க்கை பந்தயக் களத்தைப் பிரதிபலிக்கும் இந்த ஆவணப்படம் இணையத்தில் வைரலாகி வருகிறது.

படத்தில் இடம்பெற்றுள்ள காட்சிகளில், அஜித் தனது பந்தய உடையில் (Racing Suit) மிகவும் தீவிரமாகத் தயாராவதும், ஹெல்மெட் அணிந்து காரைச் செலுத்தக் காத்திருப்பதும் ரசிகர்களிடையே உற்சாகத்தை ஏற்படுத்தியுள்ளது. சினிமா படப்பிடிப்புகளுக்கு இடையிலும், தனது கனவுத் துறையான ரேஸிங்கில் அவர் காட்டும் இந்த விடாமுயற்சி இளைஞர்களுக்குப் பெரும் ஊக்கமாகப் பார்க்கப்படுகிறது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

விஜய் வேண்டுமா? ஸ்டாலின் வேண்டுமா?...தஞ்சையில் விஜய் ஆவேச பேச்சு

இந்தி பெயரை மொழிபெயர்த்து தமிழிலேயே குறிப்பிட வேண்டும்: எடப்பாடி பழனிச்சாமி வலியுறுத்தல்

உலக அமைதியை உருக்குலைக்கும் மத்திய கிழக்கு போர்.. பதற்றத்தைத் தணிப்பாரா பிரதமர் மோடி?

Iran war ஈரானின் புதிய தலைவராக அயதுல்லா அலி கமேனியின் மகன் மொஜ்தபா தேர்வு

மக்களின் மனங்களை வென்ற தாய் கிழவி: வெற்றியை கேக் வெட்டி கொண்டாடிய படக்குழுவினர்!

தமிழகத்தில் அடுத்த 7 நாட்களுக்கு மழை இருக்கா... இல்லையா... இதோ வானிலை மைய அறிவிப்பு!

உலக உடல் பருமன் தினம் 2026: குண்டானவர்கள் அதிகம் இருக்கும் நாடுகளில் இந்தியாவிற்கு எந்த இடம்?

Middle East tension: பதட்டத்தில் மத்திய கிழக்கு.. பரபரக்கும் உறவுகளும், நட்பும்.. அக்கறைக்கு நன்றி

சந்தோஷம்!

"பந்தயம் என்பது நடிப்பு அல்ல": அஜித் குமாரின் கார் பந்தய ஆவணப்படம் வெளியீடு

Comments

சமீபத்திய செய்திகள்

அதிகம் பார்க்கும் செய்திகள்