ஈரோடு கிழக்கு காங்கிரஸுக்கே.. ஒதுக்கியது திமுக.. வேட்பாளர் யார்?

Jan 20, 2023,10:03 AM IST

சென்னை: ஈரோடு கிழக்கு தொகுதியை மீண்டும் காங்கிரஸ் கட்சிக்கே திமுக கொடுத்து விட்டது. இதையடுத்து காங்கிரஸ் வேட்பாளர் யார் என்ற எதிர்பார்ப்பு அதிகரித்துள்ளது.

கடந்த 2021ம் ஆண்டு நடந்த சட்டசபைத் தேர்தலின்போது திமுக கூட்டணியில் இடம் பெற்ற காங்கிரஸ் கட்சி ஈரோடு கிழக்கில் போட்டியிட்டது. அதில் முன்னாள் காங்கிரஸ் தலைவர் ஈவிகேஎஸ் இளங்கோவன் மகன் திருமகன் ஈவேரா போட்டியிட்டு வெற்றி பெற்றார். அவரை எதிர்த்துப் போட்டியிட்ட முக்கிய வேட்பாளர் யுவராஜா ஆவார். இவர் தமாகா சார்பில் போட்டியிட்டார். இரட்டை இலை சின்னத்தில் நின்று தோற்றார்.

இந்த நிலையில் சமீபத்தில் திருமகன் ஈவேரா அகால மரணமடைந்தார். இதனால் இத்தொகுதியில் இடைத் தேர்தல் அறிவிக்கப்பட்டுள்ளது. பிப்ரவரி 27ம் தேதி வாக்குப் பதிவு நடைபெறும் என அறிவிக்கப்பட்டுள்ளது.

இடைத் தேர்தலில் மீண்டும் காங்கிரஸே போட்டியிடுமா அல்லது திமுக போட்டியிடுமா என்ற விவாதங்கள் எழுந்தன. மறுபக்கம் அதேபோல தமாகா மீண்டும் போட்டியிடுமா அல்லது அதிமுக போட்டியிடுமா என்ற எதிர்பார்ப்பு கிளம்பியது. இன்னொரு பக்கம் பாஜகவும் போட்டியிடும் என்ற எதிர்பார்ப்பும் உள்ளது.

இந்த நிலையில்தொகுதியை மீண்டும் காங்கிரஸுக்கே ஒதுக்கியுள்ளது திமுக. இடைத் தேர்தல் தொடர்பாக நேற்று அண்ணா அறிவாலயத்தில் திமுக தலைவரும், முதல்வருமான மு.க.ஸ்டாலினை தமிழ்நாடு மாநில காங்கிரஸ் தலைவர் கே.எஸ். அழகிரி, ஈவிகேஎஸ் இளங்கோவன் உள்ளிட்டோர் சந்தித்துப் பேசினர். அப்போது தொகுதியை காங்கிரஸுக்கே ஒதுக்குவதாக திமுக தரப்பில் தெரிவிக்கப்பட்டது. இதையடுத்து சலசலப்புக்கு திமுக முற்றுப்புள்ளி வைத்து விட்டது.

இடைத் தேர்தலில் ஈவிகேஎஸ் இளங்கோவன் குடும்பத்திலிருந்து ஒருவர் போட்டியிடலாம் என்று எதிர்பார்க்கப்படுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!

Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்

தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!

ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!

எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!

சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!

2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!

அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்

டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு